- अजय सोनवणे

Nashik :

एका दाखल असलेल्या गुन्ह्यात अटकपूर्व जामीन मिळावा यासाठी अर्ज केलेल्या ठाकरे गटाच्या नेत्या सुषमा अंधारे (Sushma Andhare) यांना आज (शुक्रवार) मालेगाव येथे दिलासा मिळाला आहे. मालेगाव जिल्हा व सत्र न्यायालयाने अंधारे यांना अटकपूर्व जामीन मंजूर केला आहे. याबाबतचा आदेश न्यायाधीश एस यू बघेले यांनी दिला. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मालेगाव येथे अमन परदेशी यांनी उध्दव बाळासाहेब ठाकरे गटाच्या नेत्या सुषमा अंधारे यांच्या विराेधात पाेलिसांत तक्रार केली हाेती. या तक्रारीमध्ये परदेशी यांनी सुषमा अंधारे यांनी हिंदू देव देवतांच्या अवमान केल्याचे म्हटले हाेते. पाेलिसांनी त्याची शहनिशा करत अंधारे यांच्यावर मालेगाव तालुका पोलिस ठाण्यात (भा. द. वि. कलम 295(अ) नुसार) गुन्हा दाखल केला हाेता.

या प्रकरणात अटक टळावी यासाठी सेना नेत्या सुषमा अंधारे यांनी मालेगाव कोर्टात अटकपूर्व जामिनासाठी अर्ज दाखल केला होता. त्याच्यावर सुनावणी झाली. न्यायाधीश एस यू बघेले यांनी सुषमा अंधारे यांचा अटकपूर्व जामीन अर्ज मंजूर केला. आता त्या अंतरिम जामीनासाठी लवकरच मालेगाव येथे येथील अशी शक्यता वर्तवली जात आहे. (Maharashtra News)

Edited By : Siddharth Latkar