खान्देश, पूर्व विदर्भाचा काही भाग सोडून राज्याच्या बहुतांश भागात मोसमी वारे पोहोचले आहेत. अनेक ठिकाणी मुसळधार पावसाच्या सरी कोसळत आहेत. आज विदर्भ, मराठवाडा, मध्य महाराष्ट्रामध्ये काही ठिकाणी विजांसह वादळी पावसाचा येलो अलर्ट हवामान विभागाने दिला आहे. तर १४ जूनपासून राज्यात पावसामध्ये काही खंड पडण्याची शक्यता वर्तवली (Maharashtra Weather Forecast) आहे.

मुंबई, रायगड, ठाणे, रत्नागिरी, सिंधुदुर्ग या जिल्ह्यांमध्ये आज मध्यम पावसाची शक्यता आहे. तर धाराशिव, लातूर, बुलडाणा, पुणे, नगर, सोलापूर, अकोला, अमरावती, वाशीम, गोंदिया, चंद्रपूर, गडचिरोली यवतमाळ, वर्धा, नागपूर, भंडारा या जिल्ह्यांमध्ये वादळी पावसाचा येलो अलर्ट देण्यात आला आहे. नागरिकांनी विशेष काळजी घेण्याचं आवाहन हवामान विभागाने केलं आहे.

विदर्भ, मध्य महाराष्ट्रात अनेक ठिकाणी १२ जुलै रोजी मुसळधार पाऊस झाला (Rain Alert) आहे. यावेळी मराठवाडा आणि कोकणामध्ये पावसाचा जोर काहीसा कमी असल्याचं पाहायला मिळालं. राज्याच्या इतर भागात काही ठिकाणी हलक्या ते मध्यम पावसाच्या सरी बरसल्या. अनेक ठिकाणी विजांच्या कडकडाटासह पाऊस कोसळत आहे. आजही अनेक ठिकाणी विजांसह पावसाची शक्यता (Weather Update) आहे. मुंबई आणि उपनगरांत ढगाळ वातावरण आणि रिमझिम पावसाची शक्यता वर्तविण्यात आली आहे.

सुरूवातीला मान्सून मुंबईत दाखल झाला. त्यानंतर मान्सूनने आता हळुहळु संपूर्ण राज्य व्यापण्यास सुरुवात केली आहे. राज्यातील अनेक जिल्ह्यांमध्ये सध्या मुसळधार पावसाने हजेरी लावली (Monsoon) आहे. पुढील २४ तासांत देखील राज्यात पावसाची बॅटिंग अशीच सुरू राहील, असा अंदाज भारतीय हवामान खात्याने वर्तविला आहे. अनेक ठिकाणी पावसामुळे घरांचे मोठ्या प्रमाणावर नुकसान झाले आहे.