Uddhav Thackeray Group Banner In Dombivli

आगामी लोकसभा निवडणुकीच्या पार्श्वभूमीवर सर्वच राजकीय पक्ष जोमाने कामाला लागले आहेत. आपापल्या पक्षाचा प्रचार सर्वच राजकीय पक्ष करत (Maharashtra Politics) आहे. शिंदे गट आणि अजित पवार तसंच उद्धव ठाकरे गटदेखील आपली ताकद दाखवून देण्यासाठी धडपडत आहे. मतदार राजा, हे मतदान तुझं शेवटचं मतदान ठरु नये. तुझं एक मत 'हुकूमशाही' उलथविण्यासाठी' अशा आशयाचे बॅनर उद्धव ठाकरे गटाकडून डोंबिवलीत लावण्यात आले आहेत. या बॅनरच्या माध्यमातून ठाकरे गटाने नागरिकांना मतदारांना भावनिक आवाहन केल्याचं दिसून येतंय. (Latest Marathi News)

डोंबिवलीत काही दिवसांपूर्वीच उद्धव ठाकरे यांनी शिवसेना शिंदे गटावर टीका केली होती. त्यांना त्यांची जागा दाखवून द्या, असं आवाहन नागरिकांना केलं होतं. त्यानंतर ठाकरे गटाकडून (shiv sena) लावण्यात आलेले हे बॅनर आता डोंबिवली चर्चेचा विषय ठरले आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

ठाकरे गट लोकसभा निवडणूकीसाठी सज्ज

'मतदार राजा हे मतदान तुझं शेवटचं मतदान ठरु नये, तुझं एक मत हुकूमशाही उलथविण्यासाठी' अशा आशयाचे बॅनर (Uddhav Thackeray Group Banner) डोंबिवली पूर्वेकडील स्टेशन परिसरात लावण्यात आले आहेत. शिवसेना उद्धव बाळासाहेब ठाकरे डोंबिवली शहर शाखेच्या वतीने हे बॅनर लावण्यात आले आहेत. हे बॅनर नागरिकांचे लक्ष वेधत आहेत. ठाकरे गटाने आगामी लोकसभा निवडणूकीसाठी कंबर कसली असल्याची चर्चा सुरु आहे.

या बॅनरबाजीने पुन्हा एकदा सगळ्यांचं लक्ष वेधून घेतलं आहे. सध्या सुरू असलेल्या राजकीय, सामाजिक परिस्थितीबाबत मतदारांमध्ये जनजागृती करण्यासाठी हे बॅनर (Uddhav Thackeray Group) लावण्यात आले आहेत, असं ठाकरे गटाच्या पदाधिकाऱ्यांनी सांगितलं आहे .