Shreya Maskar
बदलत्या वातावरणामुळे शरीराला फायदेशीर पदार्थ खाणे गरजेचे आहे. शरीराला ऊर्जा देण्यासाठी भोपळ्याचे सूप प्या. झटपट होणारी रेसिपी वाचा.
भोपळ्याचे सूप बनवण्यासाठी भोपळा, लसूण, आलं, कांदा, तूप, जिरे आणि मीठ इत्यादी साहित्य लागते. तुम्ही यात तुमच्या आवडीचे पदार्थ देखील टाकू शकता.
भोपळ्याचे सूप बनवण्यासाठी सर्वप्रथम भोपळ्याची साल काढून त्याच्या बारीक फोडी करून घ्या. जास्त मोठी काप करू नका.
कुकरच्या भांड्यात भोपळ्याच्या फोडी, चिरलेला कांदा, सोललेला लसूण, हिरवी मिरची, आलं, जिरे टाकून मध्यम आचेवर ४ ते ५ शिट्ट्या करून घ्या.
उकडलेले पदार्थ थंड झाले की, ते सर्व मिक्सरमध्ये वाटून एक पातळ पेस्ट करून घ्या. तयार पेस्ट एका बाऊलमध्ये काढून त्यात पाणी टाकून मिक्स करा.
आता एका पॅनमध्ये मीठ टाकून सर्व सूप छान उकळून घ्या. गॅस मध्यम आचेवर ठेवून द्या. सूपाचा सुगंध येईल.
शेवटी हिरवीगार कोथिंबीर टाकून गरमागरम सूपचा आस्वाद घ्या. तुम्हाला सर्दी - खोकला झाला असेल तर हे सूप रामबाण उपाय आहे.
भोपळ्यामध्ये भरपूर जीवनसत्त्वे, खनिजे आणि अँटिऑक्सिडंट्स असतात. जे वजन कमी करण्यास, पचन सुधारण्यास आणि रोगप्रतिकारशक्ती वाढवण्यास मदत करतात.