Chitra Wagh Criticizes Supriya Sule Saamtv
महाराष्ट्र

Chitra Wagh News: 'मोठ्ठ्या ताई, जळी स्थळी तुम्हाला देवेंद्रजी दिसताहेत...' चित्रा वाघ सुप्रिया सुळेंवर बरसल्या

Chitra Wagh Vs Supriya Sule: गृहमंत्री देवेंद्र फडणवीसांवर केलेल्या टीकेनंतर भाजप नेत्या चित्रा वाघ आणि सुप्रिया सुळेंमध्ये चांगलीच जुंपल्यांचे पाहायला मिळाले.

Gangappa Pujari

सुरज मासुरकर, प्रतिनिधी

Chitra Wagh On Supriya Sule:

राज्यात मराठा आरक्षणाचा लढा दिवसेंदिवस तीव्र होत चालल्याचे चित्र आहे. तसेच मराठा आंदोलकांच्या आक्रमक पवित्र्यामुळे कायदा व सुव्यवस्थेचा प्रश्न उपस्थित होत आहे. मात्र याकडे गृहमंत्री दुर्लक्ष करत असल्याचे म्हणत राष्ट्रवादीच्या खासदार सुप्रिया सुळे यांनी देवेंद्र फडणवीसांवर जोरदार निशाणा साधला. सुप्रिया सुळेंच्या या टीकेला भाजप नेत्या चित्रा वाघ यांनी जोरदार प्रत्यूत्तर दिले आहे.

काय म्हणाल्या चित्रा वाघ?

"राज्यातील मोठ्या ताई, तुमची कावेबाज ‘माणुसकी’ प्रत्यक्षात हिडीस आणि ओंगळ आहे. रक्ताची चटक लागलेल्या राजकारणी तुम्ही आहात की काय अशी शंका तुमच्या चिथावणीखोर वक्तव्यांवरून येतेय, ज्या पद्धतीनं परिस्थिती चिघळवणारी वक्तव्यं करताय त्यावरून तुमच्या खोटारड्या ‘माणुसकी’चा बुरखा टराटरा फाटलाय.." अशा शब्दात चित्रा वाघ यांनी सुप्रिया सुळेंवर (Supriya Sule) टीका केली आहे.

हा आजार बरा नव्हे...

"कावीळ झालेल्यांना जसं सगळं पिवळं दिसतं, तशी तुमची स्थिती झालीय. जळी-स्थळी तुम्हाला देवेंद्रजी (Devendra Fadanvis) दिसताहेत. लवकर उपचार घ्या ताई. हा आजार बरा नव्हे असे म्हणत आपल्या भावाचा राग तुम्ही देवेंद्रजी यांच्यावर काढण्याचा कितीही प्रयत्न केला तरी त्याचा काहीच फायदा होणार नाही..." अशी खोचक टीकाही चित्रा वाघ यांनी केली.

दरम्यान, सुप्रिया सुळे यांनी आमदार अपात्रेवर बोलताना फडणवीसांनी मुख्यमंत्री एकनाथ शिंदे (Eknath Shinde) यांच्याशी दगाबाजी केली, आता अजित दादा गटाने सांभाळून राहिले पाहिजे, असा सल्ला दिला होता. सुप्रिया सुळेंच्या या वक्तव्याचाही चित्रा वाघ यांनी समाचार घेतला.

"सत्तेतल्या आमदारांची तुम्ही चिंता करू नका. त्यांचा सरकारवर ठाम विश्वास आहे, पण तुमच्याच पक्षातील आमदारांचा तुमच्यावर किती भरवसा आहे हे तुम्हाला कळालंच असेल, असे चित्रा वाघ म्हणाल्या, तसेच पक्ष टिकवण्यासाठी कधी सुप्रीम कोर्टात, कधी निवडणूक आयोगात जाऊन ड्रामा करण्याची वेळ तुमच्यावर आली.." असा टोलाही त्यांनी यावेळी लगावला.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Palghar News: संपानं घेतला चिमुकलीचा जीव; उपचाराअभावी २ वर्षीय मुलीचा मृत्यू,शासकीय रुग्णालयातील धक्कादायक प्रकार

Raj Thackeray : राज ठाकरे महाविकास आघाडीत येणार? महाराष्ट्रात राजकीय हालचालींना वेग, मातोश्रीच्या बैठकीत काय घडलं? VIDEO

Israel Airstrike: गाझा-युद्धविरामची चर्चा सुरू असतानाच इस्रायलचा कतरमध्ये हवाई हल्ला, व्हिडिओ व्हायरल

Maharashtra Government: शेतकऱ्यांसाठी गुडन्यूज; रस्त्यावरून होणारी कटकटी अन् भांडणं मिटणार, शेतापर्यंत होणार रस्ता

Maharashtra Politics : राज्यात पुन्हा भूकंप; दसऱ्यानंतर ठाकरे गट फुटणार? VIDEO

SCROLL FOR NEXT