सांगली जिल्ह्यातील इस्लामपूर शहराचे नाव आता अधिकृतपणे ‘ईश्वरपूर’ झाले आहे. महाराष्ट्र शासनाने या नामांतराची अधिसूचना जाहीर केली असून, उपमुख्यमंत्री देवेंद्र फडणवीस यांनी स्वतः सोशल मीडियावरून याची घोषणा केली. मात्र या नामकरणावरून राष्ट्रवादी काँग्रेसचे नेते जयंत पाटील यांनी मुख्यमंत्र्यांना देवा भाऊंना ईश्वरपूरच्या आदी उरण नाव आहे हे माहीतच नव्हते असा टोला लगावला आहे. तसेच जयंत पाटील यांनी विशाल पाटील यांना देखील चिमटा काढत यांना म्हणाले की, "खासदारांचे जास्त मनावर घेऊ नका. ते अपक्ष आहेत काँग्रेसचे नेते विश्वजित कदम आहेत,"असं म्हटलं.

सांगलीच्या आष्टा येथे बोलताना नगरपरिषद आणि नगर पंचायत निवडणुकाच्या पार्श्वभूमीवर राष्ट्रवादीचे नेते जयंत पाटील यांनी सांगलीचे खासदार विशाल पाटील यांना चिमटा काढला आहे. खासदारांचे जास्त मनावर घेऊ नका, ते अपक्ष आहेत काँग्रेसचे नेते विश्वजित कदम आहेत. त्यांच्याशी आम्ही चर्चा करतोय ते खासदार साहेबांशी बोलत असतील असा आम्हाला विश्वास आहे. असे सांगत भाजपाला विरोध करणारे शेतकरी संघटना, उबाठाला सोबत घेऊ. जे समविचारी आहेत ते आमच्याबरोबर आहेत असे जयंत पाटील यांनी स्पष्ट केले.

पुढे पाटील म्हणाले, देवा भाऊंना ईश्वरपूरच्या आदी उरण नाव आहे हे माहीतच नव्हते. स्थानिक लोकांनी उपोषण केल्यानंतर देवाभाऊंना लक्षात आले की आपल्याला ज्यांनी हे करायला सांगितले आहे त्यांनी मोठी चूक केली आहे. असे म्हणत स्थानिक भाजपा नेत्यांनाही टोला लगावला.

आता दोन मंत्र्यांनी सांगितल्यानंतरही काही उपयोग झाला नाही असे सांगत केंद्र सरकारने अध्यादेश काढल्यानंतर ईश्वरपूरकरांची नाराजी घ्यायला नको म्हणून निवडणुका डोळ्यासमोर ठेवून राज्य सरकारने उरण बाबतचा आदेश काढल्याचेही जयंत पाटील यांनी सांगितले. मात्र उरणातील लोकांची त्यांना मते मिळणार नाहीत असा टोला ही जयंत पाटील यांनी यावेळी लगावला.