पावसाळी अधिवेशन विविध मुद्द्यांवर गाजत आहे. विरोधक आणि सत्ताधाऱ्यांमध्ये विधिमंडळाच्या सभागृहात खडाजंगी होत आहे. हीच खडाजंगी विधासभेच्या बाहेरसुद्धा पाहायला मिळत आहे. आज विधानसभेच्या गेटसमोर भाजप आमदार गोपीचंद पळकर आणि जितेंद्र आव्हाड हे एकमेंकांना भिडले. दोन्ही नेत्यांनी एकमेंकांना शिवीगाळ केलीय.

गोपीचंद पडळकर हे विधानसभेत कारने येत होते. त्यावेळी त्यांनी आपल्या कराच्या दरवाजाला आतून लाथ मारली. कारचा दरवाजा जितेंद्र आव्हाड आणि त्यांच्या कार्यकर्त्यांना लागला. त्यानंतर दोन्ही नेत्यांमध्ये हमरीतुमरी झाली. याचा व्हिडिओ सोशल मीडियावर व्हायरल होत आहे. पडळकर आणि आव्हाड एकमेंकांना बघून घेण्याची भाषा करताना दिसत आहेत.

त्यानंतर जितेंद्र आव्हाड यांनी माध्यमांना प्रतिक्रिया दिलीय. मी आणि माझे सहकारी जात होतो. त्यावेळी पडळकर यांनी कार अंगावर आणत. कारच्या दरवाजाला लाथ मारली. तो दरवाजा आम्हाला लागला. कारचा दरवाजा आम्हाला लागावा याच उद्देशाने त्यांनी त्याला लाथ मारली. पण मी त्याकडे लक्ष दिलं नाही. मी तेथून पुढे निघालो. परंतु त्यांनी शिवीगाळ केली.

दरम्यान काही दिवसांपूर्वी जितेंद्र आव्हाड यांनी गोपीचंद पडळकर यांना मंगळसूत्र चोर म्हणून डिवचलं होतं. त्याचाच राग मनात धरत पडळकर यांनी आव्हाड यांना शिवीगाळ केल्याचं म्हटलं जात आहे. त्यावर बोलताना आव्हाड म्हणाले, मी मंगळसूत्र चोर म्हणून ओरडलं. त्याचा राग त्यांना का आला. ते खरंच मंगळसूत्र चोर आहेत का? जेव्हा तुम्ही माझ्या राजकीय करिअरवरून टीका टिप्पणी करता तेव्हा तुमच्यावर टीका टिप्पणी केली जाईल, त्याला तयार राहिलं पाहिजे, असं आव्हाड म्हणाले.