ही घोषणाबाजी सुरुय बीडमध्ये ईव्हीएम ठेवलेल्या स्ट्राँग रुमच्या बाहेर. कारण ईव्हीएमसाठीची सुरक्षा अपुरी असल्याचा आरोप करत पवारांच्या राष्ट्रवादीने नगरपरिषदेच्या बाहेर गोंधळ घातलाय. ईव्हीएमच्या सुरक्षेसाठीच्या उपाययोजनांबाबत कोणत्या अधिकाऱ्यांशी बोलायचं. असा सवाल कार्यकर्त्यांनी उपस्थित करताच पोलीसांनी मीडियाशी बोला असं अजब उत्तर दिलंय.

नगरपरिषद आणि नगरपंचायत निवडणुकीच्या पहिल्या टप्प्यानंतर फक्त बीडमध्येच नाही तर चंद्रपूरमध्येही संतप्त मतदारानं ईव्हीएम फोडलं. तर सांगलीच्या आष्टा नगरपरिषदेत एकूण मतदानापेक्षा तब्बल 2 हजार मतं अतिरिक्त झाल्यामुळे नागरिकांचा असंतोष उफाळून आलाय. एका बाजूला ईव्हीएमच्या सुरक्षेवरुन विरोधकांमध्ये असंतोष निर्माण झाला असताना दुसरीकडे काँग्रेस नेते विजय वडेट्टीवारांनी तर थेट ईव्हीएम हॅक करण्यासाठीच मतमोजणी लांबवल्याचा आरोप केलाय. कारण भाजपनं २६४ पैकी १७५ नगरपरिषदांमध्ये विजय मिळवण्याचा अंतर्गत सर्व्हेत दावा केलाय.