मुख्यमंत्री-माझी लाडकी बहीण योजनेचा अनेकांनी गैरफायदा घेतल्याचं उघड झालंय. निकषात न बसलेल्या लाखो लाडकींसह सरकारी कर्मचार आणि पुरुषांनीही सरकारी तिजोरीवर डल्ला मारला आहे. जिल्हा प्रशासनाकडून सुरु असलेल्या अर्जांच्या पडताळणीत धक्कादायक वास्तव समोर आलंय. विशेष म्हणजे उपमुख्यमंत्र्यांसह अनेक मंत्र्यांच्या जिल्ह्यातही बोगस लाडकींचा सुळसुळाट असल्याचं स्पष्ट झालंय. त्याची संख्या आपण पाहूया.

बोगस लाडकींचा सुळसुळाट

अजितदादांच्या पुण्यात सर्वाधिक 2 लाख लाडक्या अपात्र

एकनाथ शिंदेंच्या ठाण्यात 1 लाख 25 हजार बोगस लाडक्या बहिणींची नोंद

भुजबळ, भुसे, कोकाटे, झिरवाळांच्या मतदारसंघात 1 लाख 86 हजार अपात्र

विखे पाटलांच्या अहिल्यानगरात 1 लाख 25 हजार बोगस लाडक्या

संजय शिरसाटांच्या संभाजीनगरात - 1 लाख 4 हजार बोगस लाडक्या

मुश्रीफ, आबिटकरांच्या कोल्हापुरात 1 लाख बोगस लाडक्यांची नोंद

आशिष शेलारांच्या मुंबई उपनगरात 1 लाख 13 हजार अपात्र

सोलापुरात 1 लाख, सांगलीत 90 हजार, साताऱ्यात 86 हजार अपात्र

दरम्यान लाडकी बहिण योजनेचा लाभ बोगस लाभार्थ्यांनी घेतल्याच्या प्रश्नावर उपमुख्यमंत्री अजित पवारांनी काय़ उत्तर दिलंय पाहा. निवडणूक तोंडावर होत्या म्हणून तपासणी झाली नाही, ही गोष्ट मंत्री भुजबळांनी मान्य केली आहे. तर चौकशीच्या नावाखाली 50 टक्के महिलांना कमी करण्याचा सरकारचा प्लान असल्याचा आरोप ठाकरे सेनेने केलाय.

राज्यभरातील सर्व पात्र 'लाडक्या बहिणींची पुन्हा ई केवायसी पद्धतीने पडताळणी करण्याचा निर्णय सरकारने घेतला आहे. अपात्र लाभार्थ्यांचा लाभ बंद करणार असल्याचं मुख्यमंत्र्यांनी स्पष्ट केलंय. या योजनेचा सरकारच्या तिजोरीवर भार आलाय. त्यामुळे विकासकामेही रखडली आहेत. अपात्र लाडकींना कमी करुन गरजू महिलांपर्यंतच योजनेचा लाभ दिला जाणार का? बोगस लाडकींकडून पैसे वसुल होणार का? याकडे अनेकांचं लक्ष आहे.