गेल्या काही महिन्यांत सातत्याने राज्यातील सनदी अधिकाऱ्यांच्या बदल्या होत आहेत. गेल्याच आठवड्यात सात अधिकाऱ्यांच्या बदल्या करण्याचे आदेश काढण्यात आले होते. आता परत राज्यातील ५ आयएएस अधिकाऱ्यांच्या बदल्यांचे आदेश काढण्यात आहेत.

यात वाशिम, अकोला आणि परभणीच्या जिल्हाधिकारीपदावर नव्या अधिकाऱ्यांची नियुक्ती करण्यात आली आहे. अनुक्रमे योगेश कुंभेजकर, वर्षा मीना आणि संजय चव्हाण यांची जिल्हाधिकारी पदावर नियुक्ती करण्यात आलीय. तर महाराष्ट्र राज्य बियाणे महामंडळ (महाबीज), अकोलाच्या व्यवस्थापकीय संचालक म्हणून भुवनेश्वरी एस. नियुक्ती करण्यात आलीय. यासह रघुनाथ गावडे यांची मुंबईच्या अतिरिक्त मुद्रांक शुल्क नियंत्रक म्हणून नियुक्ती करण्यात आलीय.

या अधिकाऱ्यांच्या बदल्या

योगेश कुंभेजकर यांची वाशिमचे जिल्हाधिकारी म्हणून नियुक्ती करण्यात आली आहे.

रघुनाथ गावडे यांची मुंबईच्या अतिरिक्त मुद्रांक शुल्क नियंत्रक म्हणून नियुक्ती.

संजय चव्हाण यांची परभणीच्या जिल्हाधिकारी म्हणून नियुक्ती

भुवनेश्वरी एस.यांची महाराष्ट्र राज्य बियाणे महामंडळ (महाबीज), अकोलाच्या व्यवस्थापकीय संचालक म्हणून नियुक्ती.

वर्षा मीना यांची अकोलाच्या जिल्हाधिकारी म्हणून नियुक्ती.

काही दिवसांच्या आधीही आयएएस अधिकाऱ्यांच्या बदल्या झाल्या होत्या. मुंबई येथील विकास आयुक्त (असंघटित कामगार) पदावर असलेले तुकाराम मुंढे यांची बदली दिव्यांग कल्याण विभाग, मंत्रालय, मुंबई येथे सचिव म्हणून करण्यात आली होती. महाराष्ट्र राज्य सहकारी कापूस उत्पादक पणन महासंघाचे व्यवस्थापकीय संचालक नितीन पाटील यांची नियुक्ती राज्य कर विभागाच्या विशेष आयुक्त म्हणून झाली.

राज्य करांचे विशेष आयुक्त अभय महाजन यांची नियुक्ती महाराष्ट्र राज्य सहकारी कापूस उत्पादक पणन महासंघाच्या व्यवस्थापकीय संचालकपदी झाली होती. इगतपुरी उपविभागाचे सहाय्यक जिल्हाधिकारी ओंकार पवार यांची नियुक्ती आता जिल्हा परिषद, नाशिक येथे मुख्य कार्यकारी अधिकारी (CEO) म्हणून करण्यात आली होती.