राज्यात पावसानं दडी मारल्यानं बळीराजा हवालदिल झालाय. जवळपास निम्मे महाराष्ट्रात गेल्या महिना भरापासून पावसाची एकही सर बरसलेली नाही. यात उत्तर महाराष्ट्रातल्या सर्वाधिक तालुक्यांचा समावेश आहे. तर मराठवाड्यात 30 टक्के पेक्षा अधिक पावसाची तूट निर्माण झाल्यामुळे धरणं आटायला लागली आहेत. यामुळे खरीप हंगामातील सोयाबीन, मका, ज्वारी, कापूस, बाजरी आणि इतर कड धान्यांची पिके जवळपास बळीराजाच्या हातातून गेली आहेत. राज्यातील सुमारे 19 जिल्ह्यांमधल्या 83 तालुक्यांत दुष्काळसदृश स्थिती असून शेतकऱ्यांसमोर गहिरं संकट निर्माण झालाय. कोणत्या जिल्ह्यांच्या किती तालुक्यांना याचा फटका बसलाय ते पाहूयात.

अर्ध्या महाराष्ट्रावर दुष्काळाचं संकट

उत्तर महाराष्ट्र - 31 तालुके

जळगाव 13

अहिल्यानगर 9

नाशिक 7

धुळे 2

विदर्भ - 20 तालुके

बुलढाणा 7

अकोला 5

अमरावती 4

वाशीम 2

वर्धा 1

नागपूर 1

मराठवाडा - 17 तालुके

बीड 6

संभाजीनगर 4

धाराशिव 4

परभणी 2

जालना 1

पश्चिम महाराष्ट्र - 15 तालुके

पुणे 6

सोलापूर 4

सातारा 4

सांगली 1

सरकारनंही याची दखल घेतली आहे. मुख्यमंत्र्यांनीही दुष्काळाच्या परिस्थितीच्या सर्वेक्षणाचे आदेश दिल्याची माहिती महसूल मंत्र्यांनी दिलीय. याआधीच मराठवाड्यातील लोकप्रतिनिधींनी कोरडा दुष्काळ जाहीर करण्याची मागणी केलीय. त्यामुळे महसूल खात्यानं तातडीनं दुष्काळी परिस्थितीचं सर्वेक्षण करून आताच उपाय योजण्याची गरज आहे. अन्यथा नेहमीप्रमाणे वरातीमागून घोडे नेणार आणि बळीराजाचा जीव जाणार अशी परिस्थिती होईल.