Maharashtra Municipal Elections Date Update : जिल्हा परिषदेच्या निवडणुकीच्या आधी राज्यात महापालिका निवडणुका होण्याची शक्यता आहे. त्यासाठी आयोगाकडून तयारी करण्यात येत आहे. निवडणूक आयोगाने राज्यातील २९ महापालिका आयुक्तांची (Maharashtra Municipal Elections) आज बैठक बोलावली आहे. हिवाळी अधिवेशन १४ डिसेंबरला संपल्यानंतर त्याच दिवशी निवडणुकांची घोषणा होऊ शकते. मुंबई, पुणे, नागपूर, संभाजीनगर आणि अहिल्यानगरसह २९ प्रलंबित महापालिकांची निवडणुकीची घोषणा होऊ शकते. तिसर्‍या टप्प्यात जिल्हा परिषदेच्या निवडणुका जाहीर होणार असल्याचे समजतेय. (Maharashtra Local Body Election 2025)

राज्यातील २० जिल्हा परिषदांमध्ये आरक्षणाची ५० टक्क्यांची मर्यादा ओलांडली आहे. त्यामुळे कोर्टाने या निवडणुका सध्या घेऊ नका. आरक्षण ५० टक्क्यांमध्ये आणल्यानंतर निवडणुका घ्या, असा आदेश दिला. त्यामुळे आता आयोगाने दुसऱ्या टप्प्यात महानगरपालिका निवडणुका (Municipal Elections 2025) घेण्यासाठी हालचाली सुरू केल्यात. १४ डिसेंबर ते 20 डिसेंबर या कालावधीत महापालिका निवडणुकीचा कार्यक्रम जाहीर होऊ शकतो. त्याची तयारी आयोगाकडून सुरू केली आहे. आयोगाने मनपा निवडणुकीच्या तयारीचा आढावा घेण्यासाठी २९ महापालिका आयुक्तांची बैठक बोलवली आहे. या बैठकीत मनपा निवडणुकीच्या तयारीचा आढावा घेतला जाणार आहे. (Maharashtra 29 Municipal Corporations election date December update)

कोणत्या महानगरपालिकेच्या निवडणुका होणार? संपूर्ण यादी -

मुंबई

नवी मुंबई

कल्याण डोंबिवली

ठाणे, पनवेल

उल्हासनगर

भिवंडी निजामपूर

मिरा भाईंदर

पिंपरी चिंचवड

वसई विरार

पुणे

सोलापूर

कोल्हापूर

अमरावती

चंद्रपूर

नाशिक

नागपूर

संभाजीनगर

मालेगाव

नांदेड

लातूर

अकोला

परभणी

धुळे

जळगाव

इचलकरंजी

अहिल्यानगर

सांगली-मिरज

जालना

जिल्हा परिषद निवडणुका २ टप्प्यात होणार?

राज्यातील २० जिल्हा परिषदांमध्ये आरक्षणाची ५० टक्क्यांची मर्यादा ओलांडली गेली आहे. त्यामुळे आता पुन्हा एकदा या ठिकाणी आरक्षण सोडत काढली जाणार आहे. या प्रक्रियेला तीन आठवड्याचा कालावधी लागू शकतो. त्यामुळे आता मनपा निवडणुका होणार आहेत. मिळालेल्या माहितीनुसार, जिल्हा परिषद निवडणुका दोन टप्प्यात होण्याची शक्यात वर्तवली जात आहे. आयोगाकडून जिल्हा परिषदा दोन टप्प्यात घेण्याचा विचार केला जात आहे. याबाबत लवकरच निर्णय घेतला जाणार आहे.