- अमर घटारे

Amravati Cime News : गावात दारूबंदी असतानाही चक्क सरपंचाच्या घरात देशी दारू आढळल्यानं एकच खळबळ उडाली. ही घटना अमरावती (amravati) जिल्ह्यतील चांदुर रेल्वे तालुक्यातील सांवगी मग्रारापूर या गावात घडली. या घटनेची सखाेल चाैकशी चांदूर रेल्वेचे ठाणेदार विलास कुलकर्णी यांचा मार्गदर्शनाखाली पोलीस (police) करीत आहेत.

खब-याने दिलेल्या माहितीनंतर चांदूर रेल्वे पोलिसांनी धाड टाकून सरपंच यांच्या घरातून नऊ हजार दाेनशे रूपयांच्या किंमतीची देशी दारूच्या २३० बाटल्या जप्त केल्या. चांदूर रेल्वे पोलिसांनी केलेल्या कार्यवाहीत सरपंच यांच्या घराच्या कोपऱ्यातून पलंगाखाली गोल्डन संत्रा कंपनीच्या ९० मिलीच्या ९ हजार २०० रूपये किंमतीच्या देशी दारूच्या बाटल्या सापडल्या.

या प्रकरणी चांदूर रेल्वे पोलिसांनी सरपंच यांचे पती राजु शंकर सुर्यवंशी (वय ४०) यांना समजपत्र देवून सोडण्यात आले. या पुढील कार्यवाही चांदूर रेल्वेचे ठाणेदार विलास कुलकर्णी यांचा मार्गदर्शनाखाली पोलीस करत आहे.

Edited By : Siddharth Latkar