संदीप भोसले

Latur Bus Service Stopped

लातूर शहर महापालिकेच्या अंतर्गत असलेली परिवहन सेवा मागीत आठ दिवसांपासून बंद झाली आहे. परिवहन (Latur) सेवा देणाऱ्या एजन्सीला मागील वर्षभरापासून बिल मिळालेले नाही. यामुळे सदरचे थकीत बिल मिळावे या मागणीसाठी एजन्सीने हा निर्णय घेतला आहे. शहर बससेवा बंद असल्याने प्रवास करणाऱ्या महिला आणि विद्यार्थ्यांची गैरसोय होत आहे. (Maharashtra News)

लातूर शहरात महापालिकेकडून सप्टेंबर २०२२ पासून शहर बस सेवा सुरु करण्यात आली आहे. याकरिता महापालिकेने खाजगी एजन्सीशी करार करून शहर बस (Bus Service) चालविली जात आहे. या शहर बससेवेला प्रवाशांचा प्रतिसाद देखील चांगला मिळत आहे. यामुळे दिवसभरात २१ बसच्या माध्यमातून दररोज दोनशे ते अडीचशे फेऱ्या शहरातील वेगवेगळ्या मार्गांवर होतात. परंतु ही सेवा थांबल्याने प्रामुख्याने महिला व विद्यार्थ्यांची गैरसोय होत आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

वर्षभरापासून महापालिकेकडे बिल थकीत

शहर बस सेवा सुरु करताना महापालिकेने एजन्सीशी करार करत महिलांना सिटी बसमध्ये मोफत प्रवास करण्याची सुविधा दिली. याचे भाडे महापालिका संबंधित एजन्सीला देणार. त्यानुसार जानेवारी २०२३ पासून महिलांना मोफत प्रवास देण्याची अंलबजावणी सुरु झाली. मात्र मागील १५ महिन्यांपासून महापालिकेने महिलांच्या प्रवासाचे बिल एजन्सीला अद्याप दिलेले नाही. हि रक्कम २ कोटींच्या वर गेली आहे. याकरिता एजन्सीने महापालिकेला पत्र देखील दिले आहेत. तरी देखील बिल अदा करण्यात आले नसल्याने मागील आठ दिवसांपासून एजन्सीने बससेवा थांबविली आहे.