Lok Sabha elections: आगामी लोकसभा निवडणुकीकडे सर्वांचच लक्ष लागलं आहे. सर्वच पक्ष या निवडणुकीत विरोधकांना हाणून पाडण्यासाठी मोर्चेबांधणी करत आहेत. अशात आता काँग्रेसमध्ये देखील आगामी निवडणुकीसाठी हालचाली सुरू झाल्या आहेत. २ आणि ३ जून रोजी मुंबईत काँग्रेसची मोठी बैठक पार पडणार आहे. (Latets Political News)

मिळालेल्या अधिक माहितीनुसार, राज्यातील ४८ लोकसभा मतदारसंघात काँग्रेसची चाचपणी सुरु झाली आहे. लोकसभा निवडणुकीच्या (Lok Sabha Elections) तयारीसाठी काँग्रेसची २ आणि ३ जून रोजी मुंबईत बैठक होणार आहे. प्रदेशाध्यक्ष नाना पटोले यांनी ही महत्त्वपूर्ण बैठक बोलावली आहे.

२ आणि ३ जून रोजी होणाऱ्या बैठकीत सर्व लोकसभा मतदारसंघात उमेदवारांची चाचपणी करण्यात येणार आहे. तसेच राष्ट्रवादी आणि ठाकरे गटाकडे असलेल्या मतदारसंघातही काँग्रेस चाचपणी करणार आहे. राज्यातील ४८ लोकसभा मतदारसंघातील उमेदवारांच्या चाचपणीसाठी काँग्रेसची बैठक होत आहे.

सदर बैठकीत लोकसभा मतदारसंघातील जिल्हाध्यक्ष, आमदार, प्रमुख नेत्यांना निमंत्रण देण्यात आलं आहे. बाळासाहेब थोरात, अशोक चव्हाण, यांच्या उपस्थितीत ही बैठक पार पडणार आहे.