ओंकार कदम, प्रतिनिधी...
Satara Crime: सातारा जिल्ह्यातून एक धक्कादायक बातमी समोर आली आहे. साताऱ्याच्या बोरगाव हद्दीत कुरीयर घेवून जाणारी पीकअप गाडी लुटल्याचे प्रकरण उघडकीस आले आहे. यावेळी गाडीतून सात किलो वजनाच्या सोन्याच्या आणि चांदीच्या विटा चोरीला गेल्याचे सांगण्यात येत आहे. या घटनेने परिसरात एकच खळबळ उडाली असून पोलिस याबाबतचा अधिक तपास करत आहेत.
याबाबत अधिक माहिती अशी की, सातारच्या (Satara) बोरगाव हद्दीत कुरिअर घेऊन जाणारी पिकअप गाडी अज्ञातांनी लुटल्याचा धक्कादायक प्रकार घडला आहे. हे पिकअप कोल्हापूरहुन पुण्याच्या दिशेने जात असताना बोरगावच्या हद्दीत हा प्रकार घडला. मध्यरात्री 2 ते 3 वाजण्याच्या सुमारास चोरट्यांनी ही लुट केली. (Latest Marathi News)
लुटारूंचा पाठलाग करत असताना पोलिसांना पीकअप गाडी सापडली. मात्र सोने-चांदी घेऊन चोर इनोव्हा कार आणि दुचाकीवरून फरार झाले होते. या धक्कादायक घटनेने प्रवाशांमध्ये भितीचे वातावरण पसरले असून पोलिसांनी दोन आरोपींना पकडल्याचेही सांगण्यात येत आहे.
बीडमध्ये चोरट्यांचा धुमाकूळ...
बीड (Beed) जिल्ह्यात सध्या चोरट्यांचा चांगलाच धुमाकूळ पाहायला मिळत आहे. धक्कादायक बाब म्हणजे पोलिस ठाणे असलेल्या नेकनूर शहरातच चोरट्यांनी दहशत निर्माण केल्याचे समोर आले आहे. शहरात एकाच रात्री चार ठिकाणी धाडसी घरफोडी करून लाखो रुपयांचा ऐवज चोरट्यांनी लंपास केल्याने खळबळ उडाली आहे. (Crime News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
