निर्जला एकादशीच्या निमित्ताने आज (मंगळवार) पंढरपुरात लाखो भाविकांनी गर्दी केली. हरिनामाचा गजर मुखी विठ्ठल विठ्ठल नाम अशा जयघोषात पंढरी नगरी दुमदुमून गेली. विठ्ठल दर्शनासाठी भाविकांना सुमारे पाच तासांचा कालावधी लागत असल्याचे चित्र आहे.

आषाढी एकादशी पूर्वी येणारी निर्जला एकादशीला वारकरी संप्रदायात अनन्य साधारण महत्त्व आहे. त्यामुळे या एकादशीला सातारा, साेलापूरसह राज्य तसेच परराज्याचील भाविक मोठ्या संख्येने पंढरपूर येत विठ्ठलाचे दर्शन घेतात. आज एकादशीनिमित्त मंदिर परिसर नामदेव पायरी चंद्रभागा वाळवंट हा भाग वारकऱ्यांनी फुलून गेला आहे.

विठ्ठल रुक्मिणी पदस्पर्श दर्शनाची रांग गोपाळपूर‌ रोडवरील पत्रशेड पर्यंत गेली आहे. भाविक विठ्ठल नाम घेत हळू हळू पुढे सरकत आहेत. विठ्ठल दर्शनासाठी भाविकांना सुमारे पाच तासांचा कालावधी लागत आहे.

Edited By : Siddharth Latkar