Ladki Bahin Yojana eKYC Process : खात्यात ३ हजार रूपये येणार की ४५०० रूपये येणार, याची उत्सुकता राज्यातील लाडक्या बहिणींना लागली आहे. कारण, नाव्हेंबर-डिसेंबर या दोन महिन्याचा लाभ अद्याप खात्यात अद्याप आला नाही. त्यात जानेवारी सुरू होण्यास फक्त ४ दिवस शिल्लक आहेत. त्यामुळे लाडक्या बहिणींच्या खात्यात ४५०० येतील, असेही बोलले जातेय. ही सगळी उत्सुकता लाडक्या बहिणींमध्ये असतानाच मंत्री आदिती तटकरे यांनी ट्वीट करत महत्त्वाचे आवाहन केलेय.

आदिती तटकरेंनी नेमकं काय केले आवाहन?

महिला आणि बालविकास मंत्री आदिती तटकरे यांनी लाडक्या बहि‍णींना खास आवाहन केलेय. आदिती तटकरे यांनी लाडक्या बहि‍णींना ई केवायसी करण्याचे आवाहन केलेय. शेवटचे ४ दिवस राहिलेत, ई केवायसी करून घ्यावे असे आवाहन तटकरेंनी केलेय.

या लाडक्या बहि‍णींचा लाभ बंद होणार -

३१ डिसेंबर २०२५ पर्यंत राज्यातील सर्व लाडक्या बहि‍णींना आपली ई केवायसी पूर्ण करायची आहे. ज्या महिलांनी ई केवायसी केली नाही, त्या महिलांचा प्रति महिना १५०० रूपयांचा लाभ बंद होणार आहे. आतापर्यंत राज्यातील ४० लाख लाडक्या बहिणी अपात्र ठरल्या आहेत. त्या सर्व लाडक्या बहि‍णींचा मासिक लाभ बंद होणार आहे. आदिती तटकरेंनी राज्यातील लाडक्या बहि‍णींना ई केवायसी करण्याचे आवाहन केलेय. त्यामुळे ३१ डिसेंबर २०२५ पर्यंत केवायसी करवी, अन्यथा त्यांचाही लाभ बंद होणार आहे. त्यामुळे पुढच्या महिन्यात अनेक महिलांचे लाभ बंद होण्याची शक्यता आहे.

लाडकी बहीण योजनेच्या केवायसीची प्रोसेस (Ladki Bahin Yojana e-KYC Process)

https://ladakibahin.maharashtra.gov.in/ या संकेतस्थळावर जा.

होमपेजवरच केवायसीचा पर्याय दिसेल. त्यावर क्लिक करा.

नवीन पेज उघडेल. तिथे तुम्हाला आधार नंबर आणि कॅप्चा कोड टाका.

यानंतर तुमच्यासमोर एक फॉर्म ओपन होईल. त्यामध्ये तुमची सर्व योग्य माहिती भरा.

यानंतर तुमच्या पतीचे किंवा वडिलांचे केवायसी करायचे आहे. यासाठी त्यांचा आधार नंबर आवश्यक आहे.

यानंतर तुम्हाला काही प्रश्नांची उत्तरे द्यायची आहेत. त्यानंतर डिक्लेरेशन फॉर्म भरायचा आहे.

यानंतर फॉर्म सबमिट करा.