लाडकी बहीण योजनेच्या लाभार्थ्यांसाठी अत्यंत महत्त्वाची बातमी आहे. लाडक्या बहि‍णींच्या केवायसीसाठीची मुदतवाढ संपण्यासाठी अवघे काही दिवस उरले आहेत.लाडक्या बहि‍णींना लवकरात लवकर केवायसी करण्याच आवाहन केले जात आहे. १८ नोव्हेंबरपूर्वी सर्व लाभार्थी महिलांना योजनेअंतर्गत केवायसी पूर्ण करायचे आहे.

केवायसीसाठी ८ दिवस उरले (Ladki Bahin Yojana KYC Deadline Only 8 Days Left)

लाडकी बहीण योजनेत लाभार्थी महिलांना केवायसी करणे अनिवार्य आहे. यासाठी दोन महिन्यांची मुदत देण्यात आली होती. त्यातील आता अवघे ८ दिवस उरले आहेत. १८ सप्टेंबरपासून ही केवायसी प्रक्रिया सुरु झाली आहे. या योजनेत केवायसी करण्याची शेवटची तारीख १८ नोव्हेंबर आहे. आज १० नोव्हेंबर आहे त्यानुसार फक्त ८ दिवसात तुम्हाला केवायसी पूर्ण करायचे आहे.

केवायसी कशी करायची? (Ladki Bahin Yojana KYC Online Process)

• सर्वात आधी तुम्हाला https://ladakibahin.maharashtra.gov.in या वेबसाइटवर जायचे आहे.

• यानंतर ई केवायसी या ऑप्शनवर क्लिक करा.

• यानंतर तुम्हाला आधार नंबर टाकायचा आहे. तुमच्या फोनवर ओटीपी येईल. यानंतर तुमची केवायसी झाली की नाही याची माहिती तुम्हाला मिळेल.

• जर तुमची केवायसी झाली नसेल तर तुम्हाला पुढे प्रोसेस करावी लागेल.

• यानंत तुम्हाला पती किंवा वडिलांचा आधार नंबर टाकायचा आहे. यानंतर लिंक असलेल्या नंबरवर ओटीपी येईल.

• यानंतर तुम्हाला डिक्लेरेशन फॉर्मवर क्लिक करायचे आहे. यानंतर योजनेसंदर्भात काही प्रश्न विचारले जातील, त्याची उत्तरे द्यायची आहेत.

• यानंतर तुम्हाला Success – तुमची e-KYC पडताळणी यशस्वीरित्या पूर्ण झाली आहे असा मेसेज येईल.