भास्कर जाधव...ठाकरे सेनेचे कोकणातील एकमेव आमदार... मात्र पक्षात वारंवार डावललं जात असल्याचं सांगत भास्कर जाधवांनी उघडपणे नाराजी व्यक्त केलीय... त्यामुळेच भास्कर जाधव ठाकरेंची साथ सोडणार असल्याच्या चर्चांनी जोर धरलाय... तर आता खुद्द उद्धव ठाकरेच जाधवांची मनधरणी करणार असल्याची माहिती समोर आलीय...

विधानसभा निवडणुकीत कोकणातील ठाकरे सेनेचे बुरुज ढासळले.... मात्र भास्कर जाधवांनी गड राखला...त्यानंतर भास्कर जाधवांनी पक्षाच्या कार्यपद्धतीवर टीका केली होती... मात्र भास्कर जाधवांच्या नाराजीची नेमकी कारणं काय आहेत? पाहूयात...

8 वेळा निवडून येऊनही मंत्रिपद न मिळाल्याची खंत

जाधवांना डावलून आदित्य ठाकरेंची विधीमंडळ नेतेपदी निवड

संघटनात्मक पातळीवर क्षमतेप्रमाणे संधी न मिळाल्याची खंत

विनायक राऊत आणि संजय राऊतांशी असलेले पक्षांतर्गत मतभेद

तर राजन साळवी यांनी शिंदे गटात प्रवेश केल्यानंतर भास्कर जाधवही ठाकरेंची साथ सोडण्याच्या चर्चा रंगल्या होत्या... तेव्हा उदय सामंतांनीच जाधवांना शिंदे गटात येण्याची ऑफर दिली..मात्र ठाकरेंची साथ सोडण्याच्या चर्चांवर अखेर भास्कर जाधवांनी मौन सोडलंय.

कोकण शिवसेनेचा बालेकिल्ला... मात्र लोकसभा निवडणुकीत कोकण ठाकरेंच्या हातून निसटलं... तर विधानसभा निवडणुकीत भास्कर जाधव वगळता कोकणात ठाकरेंच्या सेनेचा धुव्वा उडाला... मात्र आता स्थानिक स्वराज्य संस्थांच्या निवडणुकीपूर्वी नाराज भास्कर जाधव निवृत्तीचा मार्ग स्वीकारणार की ठाकरेंची साथ सोडून सत्तेच्या आश्रयाला जाणार? यावर कोकणातील सत्तेचं गणित अवलंबून असणार आहे....