कोल्हापूर जिल्ह्यात गेल्या काही दिवसांपासून मुसळधार पाऊस सुरू आहे. त्यामुळे पंचगंगा नदीची पातळी 47.5 फुटांवर पोहोचली आहे. तर जिल्ह्यातील अनेक नद्यांना पूर आला असून प्रमुख 25 राज्य मार्ग बंद आणि 123 मार्ग बंद बंद झाले आहेत. त्यामुळे जनजीवन विस्कळीत झालं आहे. 98 बंधारे पाण्याखाली गेले असून राधानगरी धरणातून प्रति सेकंद 7212 क्युसेक पाण्याचा विसर्ग सुरू आहे.

कोल्हापूर जिल्ह्यात एकूण 147 मार्ग बंद झाले आहेत. पावसामुळे नद्यांचं पाणी नागरी वस्त्यांमध्ये शिरलं आहे. कोल्हापूरच्या सकल भागात पाणी साचलं आहे. जिल्ह्यात पूराचीस्थिती पाहता 7006 नागरिकांचं सुरक्षितस्थळी स्थलांतर करण्यात आलं आहे. तसेच 3237 जनावरांचंही स्थलांतर करण्यात आलं आहे. पावसामुळे नद्यांचं पाणी नागरी वस्त्यांमध्ये शिरलं आहे. कोल्हापूरच्या सकल भागात अनेक घरांमध्ये पाणी घुसला असून अनेक नागरिकांना स्थलांतर करण्यात आलेला आहे.

कोल्हापूर शहरानजीक पुणे बेंगलोर महामार्गाच्या दोन्ही बाजूला असणारे हॉटेल्स, मल्टीपर्पज हॉल, गॅरेज गेले पाण्याखाली गेले आहेत.महामार्गा नजीक पुराचं पाणी आलं आहे. सध्या पावसाचा जोर कायम आहे. त्यामुळे कोल्हापुरात महापुराचा धोका वाढला आहे. खबरदारी म्हणून प्रशासनाने सतर्कतेचे आदेश दिले आहेत. तसंच सर्व यंत्रणांना सज्ज राहण्याच्या सूचना देण्यात आल्या आहेत.

Satara News: जावळी तालुक्यातील डोंगराला मोठ्या भेगा, भूस्खलन होण्याची भिती, गावकऱ्यांचा जीव टांगणीला लागला आहे. करवीर तालुक्यातील बालिंगा पुलाजवळ पाणी आल्याने येथील वाहतूक पूर्णपणे बंद करण्यात आलेली आहे. चंदगड तालुक्यातील काही गावांना बेटाचं स्वरूप आलं आहे. ८-१० दिवस पुराचं पाणी कमी झालेलं नाही. कोल्हापुरातील महिला आणि रुग्णांना सुरक्षितस्थळी स्थलांतरीत करण्यासाठी केडीआरएफ बोटीच्या सहाय्याने सुरक्षित स्थळी स्थलांतर करण्यात येत आहे.