रणजित मांजगावकर, साम टीव्ही

Kolhapur Crime News : कोल्हापूर जिल्ह्यातून एक संतापजनक घटना उघडकीस आली आहे. येथे एका शिक्षकानेच नववी आणि दहावीच्या विद्यार्थीनींना अश्लिल व्हिडीओ दाखवल्याचा प्रकार समोर आला आहे. जिल्ह्यातील शेळेवाडी येथील नामांकित शाळेत हा प्रकार घडला आहे. (Latest Marathi News)

या संपूर्ण प्रकारामुळे परिसरात मोठी खळबळ उडाली आहे. प्रकरण समोर येताच, विद्यार्थ्यांसह पालकांकडून संताप व्यक्त केला जात आहे. या नराधम शिक्षकाविरोधात (Teacher) कठोरात कठोर कारवाई करा, अशी मागणी केली जात आहे.

प्राप्त माहितीनुसार, विद्यार्थीनींना अश्लिल व्हिडीओ दाखवलेला शिक्षक हा इंग्रजी विषय शिकवतो. गेल्या दोन वर्षांपासून हा शिक्षक नववी आणि दहावीच्या विद्यार्थीनींना पॉर्न व्हिडीओ दाखवून त्यांच्यासोबत अश्लिल चाळे करत होता. (Breaking Marathi News)

याप्रकरणाला काही विद्यार्थीनींनी वाचा फोडली. त्यामुळे या नराधम शिक्षकाचं गैरकृत्य समोर आलं. याप्रकरणी गावातील विद्यार्थी आणि पालक संतप्त झाले आहेत. या शिक्षकावर तातडीने गुन्हा दाखल करा, अशी मागणी केली जात आहे. मात्र, शाळेकडून अद्यापही कुठलीही कारवाई झाली नसून, संबंधित शिक्षकाची तातडीने सातारा जिल्ह्यात बदली करण्यात आली आहे.

Edited By - Satish Daud