Satara News : वडूज येथील तहसिलदार कार्यालयातील एका विभागाचा कारभार आज कुलुपाची चावी हरवल्याने दुपारी साडे बारा वाजेपर्यंत थांबला होता. अखेर कार्यालयात कामानिमित्त आलेल्या नागरिकांच्या कामांना वेळ होत असलेल पाहून सामाजिक कार्यकर्त्यांनी हे कुलूप तोडले.  (Maharashtra News)

सोमवार हा आठवड्याचा पहिला दिवस होता. शनिवार व रविवार असे गेली दोन दिवस कार्यालयाला सुट्टी असल्याने तहसिलदार कार्यालयात विविध कामांसाठी आलेल्या नागरिकांची मोठी गर्दी झाली होती. (satara)

कार्यालयातील एका खोलीत आवक-जावक, रोजगार हमी, पुनर्वसन अश्या तीन विभागांचे कामकाज चालते. त्यामुळे या विभागाशी कामाशी संबंधित नागरिक येथे सकाळपासून थांबले होते. मात्र या तिन्ही विभागांचे कामकाज चालणाऱ्या खोलीच्या कुलूपाची चावी सापडत नव्हती.

त्यामुळे दुपारी बारा वाजले तरी येथील कामकाज थांबले होते. बहुतांशी नागरिकांची कामे ठप्पच होती. तहसिलदार कार्यालयात कुलूपाविना थांबलेले काम व नागरिकांची झालेली गर्दी पाहून येथील सामाजिक कार्यकर्ते विजय शिंदे व सहकाऱ्यांनी त्याठिकाणी अखेरीस दुपारी साडे बारा वाजण्याच्या सुमारास हे कुलूप तोडले. त्यानंतर या विभागाशी संबंधित कामकाजाची सुरूवात करण्यात आली.

Edited By : Siddharth Latkar