Rupali Chakankar News : रुपाली चाकणकर (rupali chakankar) या महिला आयोगाच्या पदाचा गैरवापर करत असल्याचा आरोप करुणा शर्मा (Karuna Sharma) यांनी केला आहे. रुपाली चाकणकर (rupali chakankar latest news) यांना महिला आयोगाच्या अध्यक्षपदावरून हटवा अशी मागणी देखील शर्मा यांनी पत्राद्वारे मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्याकडे केली आहे. तसेच केंद्रीय महिला आयोगाकडे देखील तक्रार दिली आहे.

या पत्रात करुणा शर्मा यांनी म्हटले रुपाली चाकणकर त्यांच कामं निष्पक्षपातिपने करत नाहीत. या शिवाय अनेक गंभीर आरोप असलेल्या नेत्यांसोबतचे फोटो आज ही त्यांच्या फेसबुक वॉलवर दिसून येत आहेत. या शिवाय तक्रारदार महिला आयोगात तक्रार घेऊन आल्यावर तेथून फोटो, व्हिडीओ त्या प्रसारित करतात. यामुळे या महिलांची (women) ओळख समाजापुढे येत आहे असंही त्यांनी म्हंटलं आहे. (Maharashtra News)

पीडिता महिला त्यांच्याकडे न्यायासाठी तक्रार घेऊन येतात, त्यांना न्याय तर भेटत नाही. उलट त्या महिलांसोबत फोटो आणि व्हिडिओ काढून सोशल मीडियावर व्हायरल करतात आणि राजकारण करतात. त्यामूळे मुख्यमंत्री, उपमुख्यमंत्र्याकडे आणि केंद्रीय महिला आयोगाला ही तक्रार केली असल्याचे करुणा शर्मा यांनी यावेळी सांगितले आहे. या सर्व कारणांमुळे रुपाली चाकणकर यांची आयोगाच्या अध्यक्ष पदावरून मुक्तता करा, अशी मागणी करुणा शर्मा यांनी केली आहे.

Edited By : Siddharth Latkar