अभिजीत देशमुख
कल्याण : कल्याणमध्ये एका इमारतीच्या टेरेसवर असलेल्या मोबाईल टॉवरला अचानक आग लागल्याची घटना घडली. (Kalyan) आगीमुळे मोठ्या प्रमाणात धुराचे लोट संपूर्ण परिसरात पसरलेत. आगीनंतर (Fire) इमारतीतील नागरिकांची धावपळ सुरु झाली होती. (Breaking Marathi News)
कल्याण पश्चिमेच्या राधानगर परिसरात एका इमारतीच्या टेरेसवर खाजगी कंपनीचे मोबाईल टॉवर (Mobile Tower) आहे. या मोबाईल टॉवरला सकाळच्या सुमारास अचानक आग लागली. शॉर्टसर्किटमुळे आग लागल्याची शक्यता वर्तवली जात आहे. पहाटेच डोंबिवलीमध्ये भंगाराच्या गोदामाला भीषण आग लागल्याची घटना घडल्यानंतर अवघ्या काही तासात आगीची ही दुसरी घटना कल्याण डोंबिवली परिसरात घडली.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
नागरिकांची धावपळ
दरम्यान उमरतीवरील टॉवरला आग लागल्याने या इमारतीमधील नागरिक भयभीत होऊन बाहेर पडले होते. येथील रहिवाशांनी (Fire Brigade) आगीची माहिती अग्निशमन दलाला दिली. या नंतर अग्निशमन दल घटनास्थळी दाखल झाले. तासाभराच्या अथक प्रयत्नानंतर आगीवर नियंत्रण मिळवण्यात अग्निशमन विभागाला यश आले. सुदैवाने यात कोणत्याही प्रकारची हानी किंवा नुकसान झाले नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.