जालना : पाऊस पडत नसल्याच्या विवेचनेतून शेतकऱ्याने विहिरीत उडी घेत आत्महत्या केली. हसनाबाद पोलिस (Police) ठाण्याच्या हद्दीतील पिंपळगाव कोलते येथील शिवारातील घटना घडली आहे. रमेश त्रिंबक सोनवणे (वय ४०) असे आत्महत्या करणाऱ्या (Farmer) शेतकऱ्याचे नाव आहे. (Live Marathi News)

रमेश सोनवणे हे रात्री जेवण केल्यानंतर कुणाला काही न सांगता शेतात निघून गेले होते. ते रात्री घरी परत न आल्याने त्याच्या आईने व नातेवाईकांनी (Jalna News) गावात त्यांचा शोधा घेतला. यानंतर त्यांना कुठलीच माहिती मिळत नसल्याने गावातील नागरिकांनी सकाळी त्यांचा शोधाशोध केली. या दरम्‍यान त्याचा मृतदेह जवळच असलेल्या एका विहिरीत आढळून आल्याने एकच खळबळ उडाली. ग्रामपंचायत सरपंचानी घटनेची माहिती तात्काळ हसनाबाद पोलिसांना दिली.

उसनवारीच्‍या पैशातून बियाणे, खत

घटनेची माहिती मिळताच पोलिसांनी घटनास्थळी धाव घेऊन ग्रामस्थांच्या मदतीने मृतदेह विहिरी बाहेर काढून घटनेचा पंचनामा करत मृत्यूची नोद केली आहे. जून महिन्याचे तीन आठवडे उलटून ही पाऊस पडत नसल्याने हात उसने आणि नातेवाईक यांच्याकडूज घेतलेल्या पैशात घेतलेली महागडी बी-बियाणे आणि खत त्यांनी भरून ठेवली होती. वेळेत पाऊस न पडल्याने वेळेत पेरणी न झाल्याने पैसे फेडायचे कसे? या चिंतेत शेतकरी असल्याची माहिती नातेवाईक आणि ग्रामस्थांनी दिली आहे. याचं विवेचनेतून त्यांनी आत्महत्या केली असल्याची माहिती नातेवाईकांनी दिली आहे.