जळगाव : शिवसेना पक्ष फुटीनंतर उत्तर महाराष्ट्रात प्रथमच मालेगावला उद्धव ठाकरे यांची आज सभा होत आहे. या सभेसाठी ठाकरे गटाचे शिवसैनिक मोठ्या संख्येने मालेगाव (Malegaon) येथे रवाना झाले. ढोल वाजवत नाचत शिवसैनिकांनी (Jalgaon News)जोरदार घोषणाबाजी करत सभेसाठी प्रस्‍थान केले. (Maharashtra News)

उद्धव ठाकरे यांच्या मालेगाव येथे होत असलेल्या सभेला उत्तर महाराष्ट्रातील वेगवेगळ्या जिल्ह्यांमधून शिवसैनिक जात आहेत. यात जळगाव जिल्ह्यातून उद्धव ठाकरे यांच्यावर निष्ठा असलेले मोठ्या संख्येने शिवसैनिक मालेगाव येथे रवाना झाले आहेत. धरणगाव येथील शिवसैनिक मोठ्या संख्येने मालेगावकडे रवाना झाले. यावेळी वाजत गाजत जोरदार घोषणाबाजी करत बस तसेच इतर वाहनांच्या माध्यमातून शिवसैनिक हे मालेगाव कडे रवाना झाले.

उद्धव ठाकरे हे आमचे दैवत

उद्धव ठाकरे हे आमचे विठ्ठल आहेत व विठ्ठलाच्या दर्शनासाठी विठ्ठलाच्या वारीसाठी आम्ही मालेगावला (Shiv Sena) जात असल्याच्या भावना यावेळी उद्धव बाळासाहेब ठाकरे पक्षाच्या पदाधिकारी यांनी बोलताना व्यक्त केला. उद्धव ठाकरे हे आमचे दैवत आहे व आम्ही त्यांना सोडणार नाही; असेही यावेळी पदाधिकारी म्हणाले. तसेच या गद्दारांना जमिनीत काढण्यासाठी आम्ही मालेगावला जात असल्याचेही यावेळी पदाधिकाऱ्यांनी सांगितलं.