जळगाव : जिल्हा मध्यवर्ती बँकेच्या निवडणूकीसाठी भारतीय जनता पार्टीच्यावतीने खासदार रक्षा खडसे यांनी उमेदवारी अर्ज दाखल करण्यात आले आहेत. खासदार खडसे यांचे दोन उमेदवारी अर्ज सुचक तुषार राणे यांनी दाखल केले आहेत. (jalgaon-news-jdcc-bank-election-BJP-MP-Raksha-Khadse-candidature-filed)

जिल्‍हा बँक निवडणुकीत भाजपनेही स्वबळावर लढण्याचा निर्णय घेत सर्व 21 जागांवर उमेदवारी अर्ज दाखल करण्याचे जाहीर केले आहे. त्‍यानुसार भाजप कार्यकत्‍र्यांची उमेदवारी अर्ज दाखल करण्यासाठी गर्दी आहे. यात सुरवातीला माजी मंत्री आमदार गिरीश महाजन, माजी खासदार ए. टी. पाटील यांचे अर्ज दाखल झाल्‍यानंतर आता भाजपच्या खासदार रक्षा खडसे यांचे उमेदवारी अर्ज दाखल झाल्‍याने त्‍या निवडणुकीच्या रिंगणात उतरण्याल्‍या आहेत.

दोन अर्ज दाखल

भाजप खासदार रक्षा खडसे यांनी जिल्‍हा बँक निवडणुकीकरीता भाजपकडून दोन उमेदवारी अर्ज दाखल केले आहेत. महिला राखीव आणि इतर मागास वर्गीय असे दोन उमेदवारी अर्ज दाखल केले आहेत.