जळगाव : स्वयंपाक करत असताना गॅस सिलेंडर लिकेज होऊन त्याचा स्फोट झाल्याने तीन घरांना आग लागली. (Jalgaon) यात तिन्ही घरांचे नुकसान झाले असून संसारोपयोगी साहित्य जाळून खाक झाल्याने संसार उघड्यावर आले आहेत. ही घटना मन्यारखेडा (ता.जळगाव) या गावात घडली.  (Maharashtra News)

जळगाव तालुक्यातील मनारखेडे गावात पत्र्याच्या घरात घरगुती गॅस सिलेंडरचा (Gas Cylinder) स्फोट झाला. सकाळी महिलेने घरात स्वयंपाक करत असताना गॅस संपल्याने नवीन सिलेंडर लावले होते. त्यावरून ही आग (Fire) लागली असल्याचा अंदाज व्यक्त केला जात आहे. सिलेंडरचा स्फोट झाल्याने घराला आग लागली. या आगीत आजूबाजूचे अन्य दोन घरांना देखील आग लागली होती. अग्निशनम विभागाला आगीची माहिती देण्यात आली. जळगाव महापालिकेचा अग्निशमन बंबांनी (Fire Brigade) आग विझवली. पण तोपर्यत घरातील संसारोपयोगी वस्तू, महात्वाची कागदपत्रे, कपडे, आणि रोख रक्कम जळून खाक झाले होते.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

घर बंद असल्याने जीवितहानी टळली 

सदरची घटना घडली यावेळी तीनही घरे बंद करून कुटुंब कामानिमित्त बाहेर गेलेली होती. त्यामुळे सुदैवाने यात कुणाला दुखापत झालेली नाही. मात्र गॅस सिलेंडर फुटल्याने लागलेल्या भीषण आगीत संसार उपयोगी साहित्य वस्तू, कपडे, महत्त्वाची कागदपत्रे आणि रोख रक्कम असा ऐवज जळून खाक झाला आहे.  यामुळे तीन जणांचा संसार उघड्यावर आला आहे.