जळगाव : राष्ट्रवादीचे नेते खासदार शरद पवार हे आज जळगाव दौऱ्यावर आहे. त्‍यांचे सकाळी जळगावात आगमन झाल्‍यानंतर राष्ट्रवादी युवक काँग्रेसतर्फे शरद पवार (Sharad Pawar) यांचे अनोखे स्वागत केले. स्वागतासाठी तब्बल चार क्विंटलचा फुलांचा हार घालून स्‍वागत केले. (jalgaon news Four quintal flower necklace for Sharad Pawar welcome)

चांदसर (ता. धरणगाव) येथे (Jalgaon News) माजी आमदार मुगम पवार यांच्‍या पुतळ्याच्‍या अनावरण कार्यक्रमानिमित्त जळगावात आलेले (NCP) राष्ट्रवादीचे अध्यक्ष शरद पवार यांचे आज पक्षाच्या जिल्हा कार्यालयाजवळ जल्लोषात व जंगी स्वागत करण्यात आले. ढोल- ताशांच्या गजर, गुलाबाच्या पाकळ्यांची उधळण आणि जोरदार घोषणाबाजीत शरद पवार यांचे स्वागत करण्यात आले. याप्रसंगी युवक कॉंग्रेसने चार क्विंटल फुलांचा हार अर्पण करून त्यांचे स्वागत करण्यात आले आहे. (Jalgaon Latest News Updates)

क्रेनच्‍या सहाय्याने उचलला हार

महाविकास आघाडीचे सरकार आल्यानंतर शरद पवार हे पहिल्यांदाच जळगाव जिल्हा दौऱ्यावर येत असल्याने राष्ट्रवादीचे कार्यकर्ते व पदाधिकाऱ्यांनी मध्ये उत्साह चैतन्याचे वातावरण आहे. तब्बल दोन वर्षांनंतर जळगाव जिल्हा दौऱ्यावर येत असलेल्या राष्ट्रवादी काँग्रेसचे अध्यक्ष शरद पवार यांच्या स्वागतासाठी राष्ट्रवादी युवक काँग्रेसतर्फे तब्बल 50 फुटाचा तसेच चार क्विंटलचा फुलांचा हार बनविण्यात आला आहे. क्रेन मशिनच्या सहाय्याने हा भला मोठा हार टाकून शरद पवार यांचे स्वागत करण्यात आले.