जळगाव : कंपनीतून रात्रीची ड्युटी करून घरी आल्यानंतर एका इसमाने नैराश्येतून गळफास घेत आत्महत्या केल्याची (Jalgaon) घटना जळगाव तालुक्यातील शिरसोली येथे सकाळी उघडकीस आली. या प्रकरणी एमआयडीसी पोलीस स्टेशनला अकस्मात मृत्यूची (death) नोंद करण्यात आली आहे. (Maharashtra News)

जळगाव तालुक्यातील शिरसोली येथील समाधान बंडू कोळी (वय ४०) असे मृत इसमाचे नाव आहे. शिरसोली येथे मागील एक वर्षापासून पत्नी, दोन मुले यांच्यासह वास्तव्यास असून समाधान कोळी हे एका खाजगी कंपनीत काम करून परिवाराचा उदरनिर्वाह करीत होता. मागील काही दिवसांपासून ते नैराश्येत होते. दरम्यान २६ मार्चला सकाळी तो कंपनीत नाईट शिफ्ट करून कामावरून घरी आले.  यानंतर दरवाजा बंद करून त्याने छताला गळफास लावून आत्महत्या केली.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पतीने आत्महत्या केल्याचे समजताच पत्नीने आक्रोश केला. यानंतर परिसरातील नागरिकांनी समाधान कोळी याना (Jalgaon Medical Collage) शासकीय वैद्यकीय महाविद्यालय व रुग्णालयात दाखल केले असता डॉक्टरांनी मृत घोषित केले. एमआयडीसी (Police) पोलीस स्टेशनला घटनेची माहिती मिळताच त्यांनी घटनास्थळी येत पंचनामा केला.