जळगाव : मतमोजणीच्या सहाव्या फेरी अखेर रक्षा खडसे यांना ७४ हजार मतांनी लीड मिळाली असल्याने विरोधकांच्या पायाखालची वाळू सरकली आहे. यामुळेच ते आरोप करत असून विरोधकांचा हा रडीचा डाव सुरु असल्याची प्रतिक्रिया आमदार एकनाथ खडसे यांनी यावेळी दिली आहे.

जळगावच्या (Jalgaon) रावेर लोकसभा मतदार संघात रक्षा खडसे विरुद्ध महाविकास आघाडीचे श्रीराम पाटील यांच्या सरळ लढत आहे. दरम्यान आज मतमोजणी सुरु झाल्यानंतर पहिल्या फेरीपासून भाजपच्या रक्षा खडसे यांनी आघाडी घेतली आहे. या दरम्यान महाविकास आघाडीचे श्रीराम पाटील यांनी ईव्हीएम मशीनवर आक्षेप घेत मतमोजणी थांबविली आहे. यावर एकनाथ खडसे (eknath Khadse) यांनी प्रतिक्रिया दिली आहे. 

रावेर (Raver) लोकसभा मतदार संघाची मतमोजणी प्रक्रिया थांबवण्यात आली आहे. रक्षा खडसे यांना सहाव्या फेऱ्यानंतर ७४ हजारचा लीड मिळत आहे. यामुळे विरोधकांच्या पायाखालची वाळू सरकलेली आहे; म्हणून ते काही आरोप करत सुटले आहेत. रक्षा खडसे यांच्या विजयाचे चित्र दिसत आहे; म्हणून हा रडीचा डाव विरोधक खेळत आहेत; अशी प्रतिक्रिया विधान परिषदेचे आमदार एकनाथराव खडसे यांनी दिली आहे.