Dhule Nandurbar Lok Sabha : धुळ्यातून भामरेंनी घेतली आघाडी, नंदुरबारमध्ये हिना गावित पिछाडीवरच

भूषण अहिरे/सागर निकवाडे 
धुळे/ नंदुरबार : लोकसभा निवडणुकीची मतमोजणी होत असून काही ठिकाणी अनपेक्षित चित्र पाहण्यास मिळत आहेत. धुळे लोकसभा मतदार संघातून तिसऱ्या फेरीपर्यंत पिछाडीवर असलेले सुभाष भामरे यांनी आता आघाडी घेतली आहे. तर नंदुरबारमधून भाजपच्या हिना गावित या पाचव्या फेरीअखेर पिछाडीवरच आहेत. 

लोकसभा निवडकुणीचा निकाल आज जाहीर होत आहे. राज्यात महाविकास आघाडीने मुसंडी मारल्याचे चित्र पाहण्यास मिळत आहे. असेच चित्र धुळे लोकसभा मतदार संघात तिसऱ्या फेरीपर्यंत पाहण्यास मिळत होते. तिसऱ्या फेरीपर्यंत काँग्रेसच्या शोभा बच्छाव यांनी आघाडी घेतलेली होत भामरेंना मागे टाकले होते. मात्र चौथ्या फेरीचे आकडे आल्यानंतर यात सुभाष भामरे यांनी ५६०० मतांनी लीड घेतली आहे. चौथ्या फेरी अखेर काँग्रेसला एक लाख पस्तीस हजार मतदान तर भाजपला एक लाख ४० हजार ९०० मतदान मिळाले आहे. 

हिना गावित पिछाडीवरच 

नंदुरबार लोकसभा मतदार संघात पाचव्या फेरी अंती काँग्रेसचे उमेदवार अँड गोवाल पाडवी हे ८० हजार मतांनी आघाडीवर आहेत.  तर भाजपाच्या डॉ. हिना गावित या पहिल्या फेरीपासून पिघाडीवर आहेत.