जळगाव : गावातीलच मुलीवर तरुणाचे एकतर्फी प्रेम होते. अनेकदा मुलीचा पाठलाग करायचा. परंतु, त्‍याने पुढचे पाऊल टाकत हद्दच गाठली. एकतर्फी प्रेमातून त्‍याने अल्पवयीन मुलीला भररस्त्यात थांबवून विनयभंग केला. इतकेच नाही तर तिला जिवे मारण्याची धमकी देखील दिली. (jalgaon-news-boy-one-sided-love-the-girl-reached-the-road)

बांभोरी (ता. धरणगाव) येथील कुलदीप रवींद्र सपकाळे याचे काही दिवसांपासून गावातील एका सतरा वर्षीय अल्पवयीन मुलीवर एकतर्फी प्रेम होते. या प्रेमातूनच प्रेमातून तो मुलीचा अनेकदा पाठलाग करायचा. मात्र मुलगी आपल्‍या मैत्रीणीसोबत बाहेर गेली असतानाची संधी साधत कुलदीपने मुलीला रस्‍त्‍यात गाठून धमकी दिली. या प्रकारानंतर मुलीने जिल्हा पेठ पोलीस ठाण्यात तरुणाविरोधात फिर्याद दाखल केली असून विनयभंग आणि पोक्सो कायद्याअंतर्गत तरुणाविरोधात गुन्हा दाखल केला आहे.

तर तुला जिवंत ठेवणार नाही

गुरुवारी पीडित मुलगी मैत्रिणीसोबत कामानिमित्त बाहेर गेली होती. दोन्ही मुली अग्रवाल चौकातून जात असताना कुलदीप सपकाळे याने मुलीला रस्‍त्‍यात गाठले. यावेळी त्‍याने ‘फक्त माझी आहेस, तू जर माझी झाली नाही तर तुला जिवंत ठेवणार नाही’ या शब्दांत शिवीगाळ करत धमकी दिली. तसेच पीडित मुलीच्या मैत्रिणीला देखील अश्लील शिवीगाळ केली आहे. दोघींना जिवे मारण्याची धमकीही दिली आहे. याप्रकरणी पिडीत मुलीने फिर्याद दिली आहे.