Beed : उसाच्या ट्रॅक्टरखाली चिरडून 4 वर्षीय चिमुकली ठार

बीड : उसाच्या फडात ट्रॅक्टर भरल्यानंतर ते मागे घेतांना, टायरखाली चिरडून एका 4 वर्षीय चिमुकलीचा दुर्दैवी मृत्यू झाल्याची धक्कादायक घटना, कर्नाटकमध्ये घडली आहे. प्रेरणा किशोर कारके (वय- 4) रा.देवगाव ता.वडवणी जि. बीड असे त्या चिमुकलीचे नाव आहे. बीडच्या वडवणी जवळील देवगांव या ठिकाणी ऊसतोड मजूर, किशोर कारके हे आपल्या चिमुकलीला घेवून नुकतेच कर्नाटकला उस तोडणीसाठी गेले होते.

हे देखील पहा-

किशोर हनुमंत कारके हे उसतोड कामगार आहेत. १८ ऑक्टोंबर २०२१ दिवशी कारखान्याला गेले होते. यावेळी २८ ऑक्टोंबर २०२१ रोजी ऊसाच्या फडात ट्रॅक्टर भरल्यानंतर ते मागे घेतांना, प्रेरणा हिला ट्रॅक्टरने चिरडल्याने तिचा दुदैवी मृत्यू झाला. याबाबतचा गुन्हा नोंद होवू नये, म्हणून वाहन मालकांनीच अरेरावीची भाषेचा वापरत मयत मुलीचे आजोबा गणेश विठ्ठलराव कसाब आणि आजी यांना दडपशाही करत घटनेच्या ठिकाणाहून गांवाकडे हकलून दिले आहे.

वडवणी आणि बीड येथील समाजिक स्तरावरील शिष्टमंडळ उद्या कारखान्याची भेट घेऊन झालेल्या अन्यायाची आणि घटनेची माहिती देणार आहेत. ही घटना कर्नाटक राज्यातील हिमरस या कारखान्या अंतर्गत तैराना ता. संकेसर जि. बेलगांव या ठिकाणी घडली आहे .

Edited By- Digambar Jadhav