जळगाव : शेतातून बैलगाडीतून चारा घेऊन घरी जात असताना बैलगाडी उलटली. या दुर्घटनेत बैलगाडीत (Jalgaon) असलेल्या मुलाचा जागीच मृत्यू झाल्याची घटना घडली. गौरव आनंदा पाटील (वय १३) असे मृत (Death) झालेल्या मुलाचे नाव आहे. (Breaking Marathi News)

जळगाव तालुक्यातील वाकडी येथे गौरव हा वडील आनंदा पाटील, आई ज्योती पाटील यांच्यासह वास्तव्यास होता. गौरव हा आई- वडिलांना शेती कामात मदत करायचा. नेहमीप्रमाणे तो ११ मार्चला देखील शेतात गेला होता. वडिलांनी गुरांसाठी चार काढून (Bullock Cart) बैलगाडीत भरला होता. हा चार घेऊन गौरव हा घरी निघाला होता. दरम्यान शेताच्या बांधावरून जात असताना चाक खाली- वर असल्याने चाऱ्याच्या वजनामुळे बैलगाडी उलटली. यात गौरव देखील फेकला गेला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

बैलगाडी उलटल्यावर गौरव चाऱ्याखाली दाबला गेला. तो तेथून निघण्याचा प्रयत्न करत असतानाच पडलेले दोन्ही बैल देखील उठण्यासाठी झटापट करत होते. यामुळे चाऱ्यात अडकवलेला विळा गौरवच्या डोक्यात खोल घुसला. यात त्याचा जागीच मृत्यू झाला. याप्रकरणी एमआयडीसी पोलीसात अकस्मात मृत्यूची नोंद करण्यात आली.