मेहुणबारे (जळगाव) : पैठणकडे जाणाऱ्या मजुरांच्या गाडीला समोरून भरधाव वेगाने येणाऱ्या बसने जोरदार धडक दिली. या भीषण (Accident) अपघातात कर चालकासह एका मजुराचा जागीच मृत्यू झाला आहे. तर कारमधील नऊ मजूर व बसमधील नऊ प्रवासी असे १८ जण जखमी झाले आहेत. (Latest Marathi News)

चाळीसगाव- (Chalisgaon) मालेगाव रस्त्यावरील देवळी गावाजवळ हा भीषण अपघात झाला. सावतावाडी (ता. मालेगाव) येथील १० मजूर हे पैठण तालुक्यात डाळिंबाची छाटणी करण्याच्या कामासाठी गाडीने जात होते. मजुरांची हि गाडी चाळीसगाव- मालेगाव (Malegaon) रस्त्यावरील देवळी गावाजवळून जात असताना मालेगावकडे भरधाव वेगाने जाणाऱ्या एसटी बसने चुकीच्या बाजूने जोरदार धडक दिली. धडक बसताच कारचा पुढील भाग पूर्णपणे दाबला गेला. यात चालक शेख रहेमान शेख बाबू (वय ३५, रा. अजंग, ह. मु. मालेगाव) व शरद लाखू माळी (वय ३१, रा. सावतावाडी, ता. मालेगाव) या दोघांचा मृत्यू झाला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अपघाताची माहिती मिळताच आजूबाजूच्या परिसरातील ग्रामस्थांनी घटनास्थळी धाव घेत जखमींना बाहेर काढले. यानंतर पोलीस देखील घटनास्थळी दाखल झाले. यानंतर सर्व जखमींना तत्काळ दवाखान्यात दाखल केले. या भीषण अपघातात सुनील बाळू पवार, जयवंत नारायण माळी, शंकर काशिनाथ पवार, किशोर सुकलाल सोनवणे, संदीप तुळशीराम माळी, अर्जुन देविदास पवार, भरत लाखू माळी, जयराम मोतीराम माळी, शाम रघुनाथ सोनवणे हे नऊ प्रवासी जखमी झाले. तसेच बसमधील काही प्रवाशी देखील जखमी झाले आहेत. यातील दोघांची प्रकृती चिंताजनक असून त्यांच्यासह सर्व जखमींना पुढील उपचारार्थ मालेगाव येथे हलविण्यात आले आहे.