सचिन कदम, रायगड
रायगडमधून भीषण अपघाताची घटना समोर आली आहे. रायगडच्या महाड तालुक्यात गोंडाळे येथे सिमेंट मिक्सर उलटून भीषण अपघात झाला आहे. मांडले नदी बंधाऱ्यावर झालेल्या अपघातात एका कामगाराचा मृत्यू झाला आहे. या घटनेने परिसरात एकच खळबळ उडाली आहे.
मिळालेल्या माहितीनुसार, रायगडच्या महाड तालुक्यात गोंडाळे येथील मांडले नदीच्या बंधाऱ्यावर भीषण अपघाताची घटना घडली. रायगडच्या मांडले नदीच्या बंधाऱ्यावर सिमेंट मिक्सर उलटून अपघात झाला. मांडले या स्थानिक नदीवर बंधाऱ्याचे काम सुरु असताना दुर्घटना घडली.
या बंधाऱ्यावर सिमेंट मिक्सर उलटून दोन कामगार अडकले. या कामगारांना बाहेर काढण्यासाठी पोलीस आणि स्थानिक घटनास्थळी धावले. पोलिसांनी अथक प्रयत्न करत या कामगारांना बाहेर काढण्यासाठी प्रयत्न सुरु केले. मात्र, या दुर्घटनेत एका कामगाराचा मृत्यू झाला आहे.
सिमेंट मिक्सर कोसळून झालेल्या अपघातात एक कामगार जागीच ठार झाला आहे. तर एक कामगार सुदैवाने बचावला आहे. तो गंभीररित्या जखमी असून त्याच्यावर महाडच्या ट्रॉम केअर युनिटमध्ये उपचार सुरु आहेत. ही दुर्घटना महाड तालुक्यातील गोंडाळे येथे मांडले नदी पात्रात घडली. येथे शासनामार्फत पाणी आडवण्यासाठी बंधारा बांधण्याचे काम सुरु होते. यावेळी सदर सिमेंट मिक्सर खाली कोसळला.
महाड शहर पोलिस ठाण्याचे पोलीस निरिक्षक रमेश तडवी, उपनिरिक्षक पवार यांच्या सह पोलिस दल आणि स्थानिकांकडून मदतकार्य करण्यात आले. मैनुद्दीन अन्सारी असे मृत कामगाराचे नाव आहे. तर सुमित ढाणे हा कामगार सिमेंट मिक्सर खाली अडकला. मात्र त्याला सुखरूप बाहेर काढण्या कामी बचाव पथकाला यश आले. सुमित ढाणे हा गंभीर जखमी आहे. त्याच्यावर उपचार सुरु आहेत.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.