यावल (जळगाव) : स्वावलंबन योजनेचा निधी मंजूर झाल्याने बक्षीस म्हणून एक लाख रुपयांची लाच ग्रामसेवकाने (Jalgaon) सांगितल्यानुसार घेताना चुंचाळे ग्रामपंचायतीचा संगणक ऑपरेटरला जळगाव एसीबीने (Jalgaon ACB) अटक केली. मात्र ग्रामसेवक फरार झाला आहे. (Maharashtra News)

यावल तालुक्यातील चुंचाळे येथील तक्रारदाराने केलेल्या तक्रारीनुसार चुंचाळे (ता. यावल) गावी त्यांच्या वडिलांच्या नावाची संस्था आहे. त्यामध्ये पंधराव्या वित्त आयोगाच्या शिफारशीतून गावात शिलाई मशिन प्रशिक्षण देऊन ग्रामीण भागातील महिला व युवतींना स्वावलंबी करण्याबाबत केंद्र शासनाकडून दोन लाख रुपये निधी (Bribe) मंजूर झाला होता. मंजूर निधीतून तब्बल ५० टक्के बक्षीस म्हणून एक लाखाची लाच ग्रामसेवक (Gram Sevak) हेमंत जोशी यांनी १६ फेब्रुवारीला मागितली होती. तक्रारदाराने याबाबत जळगाव लाचलुचपत प्रतिबंधक विभागाकडे तक्रार नोंदविल्यानंतर लाचेची पडताळणी करण्यात आली.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

रंगेहाथ पकडले 
लाचलुचपत प्रतिबंधक विभागाने १७ फेब्रुवारीला सापळा रचल्यानंतर ग्रामसेवकाने लाचेची रक्कम ऑपरेटर यांच्याकडे देण्यास तक्रारदाराला सांगितले. यानंतर ऑपरेटर सुधाकर कोळी यांनी लाच स्वीकारताच त्यास अटक करण्यात आली, तर ग्रामसेवक हेमंत जोशी यांना सापळ्याबाबत कुणकूण लागताच पसार झाले. दोघांविरोधात यावल पोलिसांत गुन्हा दाखल करण्यात आला.