भरत मोहळकर, साम टीव्ही, प्रतिनिधी

इतिहास अभ्यासक इंद्रजीत सावंतांना देण्यात आलेली जीवे मारण्याची धमकी देण्यात आली आहे. इंद्रजीत सावंतांनी धमकीची कॉल रेकॉर्डिंग फेसबुकवर पोस्ट केलीय.. यात प्रशांत कोरटकर नावाच्या व्यक्तीने इंद्रजित सावंत यांच्यावर ब्राह्मणद्वेष पसरवत असल्याचा आरोप केलाय..मात्र हा कोरटकर एवढ्यावरच थांबला नाही तर त्यानं सावंतांना धमकी देतांना थेट छत्रपती शिवाजी महाराजांचाविषयी अर्वाच्य भाषा वापरली.

अशा पोकळ धमक्यांना आपण घाबरत नसल्याचं सांगत इंद्रजीत सावंतांनी शिवरायांच्या अपमानाबद्दल प्रशांत कोरटकरवर कारवाईची मागणी केलीय.. तर प्रशांत कोरटकरने मात्र तो मी नव्हेच, असं म्हणत सावंतांवरच फेसबूकवर पोस्ट टाकल्याप्रकरणी टीका केली. दुसरीकडे सावंतांना धमकी देणाऱ्यांना संभाजी ब्रिगेड स्टाईलने धडा शिकवण्याचा इशारा संतोष शिंदेंनी दिलाय.

ऐतिहासिक विषयावर प्रदर्शित चित्रपटानंतर वाद-प्रतिवाद उफाळून येत असतात.. त्यातच आता छावा चित्रपटाच्या प्रदर्शनानंतर गद्दारी शिर्केंनी केल्याचं चित्रपटात दाखवण्यात आलंय.. तर सावंतांनी मात्र संभाजी महाराजांना पकडून देण्यात ब्राह्मण सरदारांची भूमिका असल्याचा दावा करण्यात केलाय.. मात्र वैचारिक विरोध सोडून एखाद्याला जीवे मारण्याची धमकी देणं आणि एखाद्याला धमकी देतांना थेट छत्रपती शिवाजी महाराजांचा अपमान करणं संतापजनक आहे. त्यामुळे कडक कारवाई करून अशा उपटसुंभांना धडा शिकवण्याची गरज आहे.