Hingoli Latest News : हिंगोलीतून चक्रावणारी घटना समोर आली आहे. हिंगोलीत पिसालळेला कुत्रा विहिरीत पडल्याची घटना घडली आहे. त्यानंतर ग्रामपंचायतीच्या दुर्लक्षाने सर्व गावाने विहिरीतील पाणी प्यायलं. त्यानंतर संपूर्ण गाव रुग्णालयात पोहोचलं. त्यानंतर सर्व गावकऱ्यांना आरोग्य विभागाकडून अँटी रेबीज लस देणे सुरु करण्यात आलं आहे. हिंगोलीतील साखरा तांडा गावात हा प्रकार घडला आहे.

हिंगोलीच्या सेनगावात तालुक्यातील साखरा तांडा गावात हा धक्कादायक प्रकार घडला आहे. हिंगोलीत साखर तांडा गावात पिसाळलेला कुत्रा विहिरीत पडला. त्याच विहिरीतील पाणी गावातील लोकांनी प्यायलं. गावकऱ्यांना हा प्रकार लक्षात आल्यानंतर त्यांनी रुग्णालयात धाव घेतली. गावकऱ्यांनी तातडीने आरोग्य विभागाकडून अँटी रेबीज लस घेतली. ही अँटी रेबीज लस घेण्यासाठी गावकऱ्यांनी एकच गर्दी केली. या प्रकाराची आजबाजूच्या गावातही जोरदार चर्चा आहे.

नेमकं काय घडलं?

हिंगोलीत पिण्याच्या पाण्याची काळजी न घेणं गावकऱ्यांना चांगलंच महागात पडलं आहे. हिंगोलीच्या सेनगाव तालुक्यातील साखरा तांडा गावात पाणीपुरवठा करण्यासाठी असणाऱ्या एका विहिरीमध्ये पिसाळलेला कुत्रा पडला आणि त्याचा मृत्यू झाला. सकाळी गावकऱ्यांना ही बाब निदर्शनास आली नाही. त्यामुळे गावकऱ्यांनी नेहमीप्रमाणे या विहिरीचं पाणी प्यायलं. मात्र मृत अवस्थेत विहिरीच्या तळाशी गेलेला कुत्रा पाण्याच्या वर तरंगल्याने गावकऱ्यांमध्ये एकच खळबळ उडाली.

त्यानंतर गावकऱ्यांनी रुग्णालय गाठायला सुरुवात केली. मात्र रुग्णांची संख्या जास्त असल्याने आरोग्य विभागाने डॉक्टरांच्या पथकाला साखरा तांडा गावात पाठवत अँटी रेबीज लस टोचली आहे. आतापर्यंत दीडशे पक्षा अधिक गावकऱ्यांना ही लस दिली आहे. रविवारी म्हणजे उद्या देखील उर्वरित गावकऱ्यांना सुरक्षेचा उपाय म्हणून ही लस देण्यात येणार असल्याची माहिती हिंगोलीचे जिल्हा आरोग्य अधिकारी डॉक्टर कैलास शेळके यांनी दिली आहे. या प्रकारानंतर गावातील भीती पसरली होती. मात्र, अँटी रेबीज लस टोचून घेतल्याने गावकऱ्यांनी सुटकेचा निश्वास सोडला.