• जळगावमध्ये आज १८, २२ आणि २४ कॅरेट सोन्याचा दरात वाढ

• आज जळगाव सराफा बाजारात एक तोळा सोन्याच्या दरात २२०० रुपयांची वाढ

• पितृपक्षात सोन्याच्या दरात वाढ झाल्याने ग्राहक नाराज

• चांदीचे दर आज स्थिर राहिले आहेत

संजय महाजन, जळगाव

जळगावच्या सराफा बाजारात सोनं-चांदीच्या दरात सतत चढ उतार होत आहे. पितृपक्षात कधी सोनं-चांदीच्या दरामध्ये घसरण झाली तर कधी वाढ झाली. आज सराफा बाजारत सोनं-चांदीच्या दरात मोठा बदल झाला. आज सोन्याच्या दरात मोठी वाढ झाली. तर चांदीचे दर स्थिर राहिले. १ तोळा सोनं २२०० रुपयांनी वाढले. सोन्याचे दर वाढल्यामुळे आज सराफा बाजारात सोनं खरेदीकडे ग्राहकांनी पाठ फिरवली.

जळगावच्या सुवर्ण बाजारात मागील काही दिवसांपासून सातत्‍याने सोनं-चांदीच्या दरात घसरण होत असल्‍याचे दिसून येत आहे. आठवडाभरापासूनच सोनं- चांदीचे भाव सातत्‍याने कमी होत असल्याने ग्राहकांमध्ये आनंदाचे वातावरण होते. आठवड्याच्‍या पहिल्या दिवसापासूनच सोन्याच्‍या भावात घसरण होत होती पण आज सोन्याचा भाव वाढला. तर चांदीच्‍या भावात सरासरी २००० रूपयांची घसरण झाल्‍याचे दिसून येत आहे. मात्र आठवडाभरापासून कमी होत असलेला चांदीचा भाव आज मात्र स्थिर राहिला आहे.

गुरूवारी २४ कॅरेटच्या १ तोळा सोन्याचा भाव विनाजीएसटी १ लाख ४८ हजार रुपये होता. आज सकाळी सराफा बाजार उघडल्यानंतर सोन्‍याचा भाव १ हजार ७०० रूपयांनी कमी झाला होता. पण दुपारनंतर सोन्याच्या दरामध्ये २२०० रुपयांची वाढ झाली. सध्या १ तोळा सोनं १ लाख ४९ हजार ८०० रुपयांना विकले जात आहे. मात्र चांदीचा भाव स्थिर असून १ किलो चांदी विनाजीएसटी २ लाख २५ हजार रुपयाने विकली जात आहे.