• आजचा सोनं-चांदीच्या दरात मोठी वाढ झाली

• दिवाळीच्या आदल्या दिवशी सोन्याच्या दरात वाढ झाल्याने ग्राहकांमध्ये नाराजी

• एका तोळ्यामागे सोन्याच्या दरात ३५०० रुपयांची वाढ

• १ किलो चांदी १०,००० रुपयांनी महागली

संजय महाजन, जळगाव

सोनं-चांदी खरेदी करणाऱ्यांसाठी महत्वाची बातमी आहे. दिवाळीपूर्वी सोनं-चांदीच्या दरात मोठी वाढ झाली. आज सराफा बाजार उघडताच सोनं-चांदीच्या दरात मोठा बदल झाला. दिवाळीत सोनं-चांदी स्वस्त होईल अशी आशा ग्राहकांना होती. पण सोन्याचे दर कमी होण्याऐवजी वाढतच चालले आहेत. आज सोनं-चांदी महागल्यामुळे ग्राहकांमध्ये नाराजीचे वातावरण आहे. आज १ तोळा सोन्याचे दर ३,५०० रुपयांनी वाढले. तर १ किलो चांदी १०,००० रुपयांनी महाग झाली.

दिवाळीच्या आदल्या दिवशीच सोनं-चांदीच्या दरामध्ये मोठी वाढ झाली आहे. गेल्या काही दिवसांपासून सोनं-चांदीच्या दरात घसरण होत होती पण आता या घसरणीला ब्रेक लागला आहे. आज २४ कॅरेटचे १ तोळा सोनं १,४१,५०० रुपयांना विकले जात आहे. २२ कॅरेटचे १ तोळा सोनं १,२९,६१५ रुपयांना विकले जात आहे. तर १ किलो चांदी १,९०,००० रुपयांना विकली जात आहे. सोनं-चांदीचे दर वाढल्यामुळे ग्राहकांनी सराफा बाजाराकडे पाठ फिरवली आहे.

३ नोव्हेंबरचे सोनं-चांदीचे दर-

२२ कॅरेट - १,२६,४०० रुपये

२४ कॅरेट - १,३८,००० रुपये

१ किलो चांदी - १,८०,००० रुपये

४ नोव्हेंबरचे सोनं-चांदीचे दर-

२२ कॅरेट - १,२९,६१५ रुपये

२४ कॅरेट - १,४१,५०० रुपये

१ किलो चांदी - १,९०,००० रुपये