सोनं-चांदी खरेदी करण्याचा विचार करताय? मग जळगावच्या सुवर्ण बाजारातले आजचे दर तुमच्यासाठी महत्त्वाचे आहेत. गेल्या काही दिवसांपासून सोनं आणि चांदीच्या दरात सातत्याने घसरण होत असल्याने ग्राहकांना मोठा दिलासा मिळत आहे. पण आठवड्याच्या सुरुवातीला दरांमध्ये काहीसा बदल पाहायला मिळाला. सोमवारी सोन्याच्या दरात किरकोळ वाढ झाल्यानंतर मंगळवारीही सोनं महागलं आहे. दुसरीकडे चांदीच्या दरात तब्बल दोन हजार रुपयांची घसरण झाली आहे. त्यामुळे सोनं खरेदी करणाऱ्यांना काहीसा दिलासा मिळाला आहे.
जळगावच्या सुवर्णबाजारात सोमवारी २ नोव्हेंबर रोजी सोन्याचा दर प्रति १० ग्रॅम १ लाख ३८ हजार ५०० रुपये होता. हा दर जीएसटी वगळून होता. मात्र, मंगळवारी सोन्याच्या दरात ३०० रुपयांची वाढ झाली. त्यामुळे आज सोन्याचा भाव प्रति १० ग्रॅम १ लाख ३८ हजार ८०० रुपयांवर पोहोचला आहे. गेल्या काही दिवसांपासून सोन्याच्या दरात घसरण सुरू असताना आता पुन्हा दरवाढ झाल्याचं चित्र आहे.
सोन्याच्या तुलनेत चांदीच्या दरात मात्र मोठी घसरण पाहायला मिळाली. सोमवारी चांदीच्या भावात एक हजार रुपयांची वाढ झाली होती. मात्र, मंगळवारी चांदीच्या दरात तब्बल दोन हजार रुपयांची घट झाली. त्यामुळे सोमवारी १ लाख ८३ हजार रुपये प्रति किलो असलेली चांदी आता एक लाख ८२ हजार रुपयांवर आली आहे. हे दर जीएसटी वगळून आहेत.
आंतरराष्ट्रीय बाजारातल्या घडामोडींचा परिणाम देशांतर्गत सोनं आणि चांदीच्या किमतींवर होत असतो. त्यामुळे दोन्ही मौल्यवान धातूंच्या दरात चढ-उतार सुरू आहेत. आगामी दिवाळी आणि धनत्रयोदशीच्या पार्श्वभूमीवर अनेक ग्राहक सोनं-चांदी खरेदीचं नियोजन करत आहोत.
विशेषत: दिवाळीतल्या लक्ष्मीपूजनाच्या दिवशी सोनं खरेदी करण्याची पंरपरा अनेक कुटुंबांमध्ये आहे. अशा परिस्थितीत चांदीच्या दरातली घसरण ग्राहकांसाठी दिलासादायक ठरू शकते. मात्र, सोन्याचे दर पुन्हा वाढू लागल्यावर खरेदीदारांचं लक्ष आता बाजारातल्या पुढच्या बदलांकडे लागले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.