मंगेश भांडेकर, साम टीव्ही प्रतिनिधी

गडचिरोली : गडचिरोलीतून मोठी बातमी हाती आली आहे. गडचिरोलीत पोलीस आणि नक्षलवाद्यांमध्ये चकमक झाली. या चकमकीत ४ जण ठार झाल्याची माहिती मिळत आहे. तसेच या कारवाईत एक सी ६० पथकाचा कमांडो जखमी झाल्याची माहिती मिळत आहे. पोलिसांकडून नक्षलवाद्यांविरोधात ऑपरेशन सुरु आहे.

मिळालेल्या माहितीनुसार, गडचिरोलीत पोलिसांनी नक्षलवाद्यांविरोधात मोठी कारवाई केली आहे. गडचिरोलीतल भामरागड तालुक्यात कोपरीच्या जंगलात पोलिसांनी मोठी कारवाई केली आहे. या कारवाईत पोलिसांनी ४ नक्षलवाद्यांना ठार केले. तर या कारवाईत एक सी 60 पथकाचा कमांडो जखमी झाला आहे. g

गडचिरोलीतील भामरागड तालुक्यात कोपरीच्या जंगलात गेल्या ४ तासांपासून चकमक सुरु आहे. या चकमकीत ४ नक्षलवादी ठार करण्यात यश आलं आहे. गडचिरोलीतील घटनास्थळी आणि अतिदुर्गम घनदाट जंगलाने वेढलेला भाग आहे. या जंगलात पोलिसांकडून कारवाई सुरु आहे.

गडचिरोलीत पोलीस आणि नक्षलवाद्यांमध्ये चकमक

गडचिरोली जिल्ह्यातील भामरागड तालुक्यातील कोपरी हा शेवटचा जंगल परिसर आहे. याच जंगल भागात चकमक सुरु आहे. कोपरी या जंगलात मोठ्या प्रमाणात नक्षलवादी लपल्याचा माहिती पोलिसांना मिळाली आहे. याच जंगलात पोलिसांनी ऑपरेशन राबवल. या ऑपरेशनमध्ये पोलिसांनी ४ नक्षलवाद्यांचा खात्मा केला. घटनास्थळी सी. ६० पोलीस पथकाचे तुकड्या वाढवण्यात आल्या आहेत.