अभिजीत देशमुख, साम टीव्ही

कल्याण : कल्याणमध्ये माजी नगरसेवकाला मारहाण झाल्याची घटना घडली आहे. माजी नगरसेवकाला महिलेने मारहाण केल्याची घटना घडली आहे. भररस्त्यात माजी नगरसेवकाला मारहाण केली. रस्त्याच्या भूमिपूजन कार्यक्रमावरून दोघांमध्ये वाद झाला. त्यानंतर महिलेने मारहाण केल्याचं समोर येत आहे. या माराहाणीचा व्हिडिओ सोशल मीडियावर व्हायरल झाला आहे.

कल्याणमध्ये शिवसेना शिंदे गटाच्या माजी नगरसेवकाला महिलेकडून मारहाण झाल्याची घटना घडली आहे. रस्त्याच्या भूमिपूजन कार्यक्रमावरून दोघांमध्ये वाद झाला होता. राणी कपोते असे मारहाण करणाऱ्या महिलेचे नाव आहे. राणी कपोते पक्षाशी संबंधित असल्याची प्राथमिक माहिती मिळाली आहे. तर मोहन उगले असे मारहाण झालेल्या माजी नगरसेवकाचं नाव आहे. माजी नगरसेवकाच्या मारहाणीचा व्हिडिओ सोशल मीडियावर व्हायरल झालाय.

नेमकं काय घडलं?

शिवसेना शिंदे गटाच्या माजी नगरसेवकाला एका महिलेने भर रस्त्यात मारहाण केल्याची केली. कल्याणच्या अहिल्याबाई चौक परिसरात ही मारहाणीची घटना घडली. मोहन उगले असे या माजी नगरसेवकाचे नाव आहे. तर मारहाण करणाऱ्या महिलेचे नाव राणी कपोते असे आहे. काँक्रीट रस्त्याच्या भूमिपूजन कार्यक्रमाप्रसंगी श्रेयावरून काल दोघांमध्ये देखील वाद झाल्याचा पाहायला मिळालं होतं. त्यानंतर आज पुन्हा या मारहाणीचा व्हिडिओ व्हायरल झाला.

राणी कपोते या शिवसेना शिंदे गटाच्या कार्यकर्ता असल्याची प्राथमिक माहिती आहे. याप्रकरणी शिंदे गटाचे माजी नगरसेवक मोहन उगले यांनी कायद्याने महिलांना संरक्षण आहे. आत्तापर्यंत त्या महिलेला आम्ही काहीच बोललो नाही आणि बोलणार सुद्धा नाही. मात्र पक्षाने अशा लोकांवर योग्य ती कारवाई केली पाहिजे, अशी मागणी मोहन उगले यांनी केली आहे.