Eknath Shinde : शिंदेंचा सपकाळांवर घणाघात, देवेंद्रसाठी एकनाथ धावले; औरंगजेबाशी तुलना केल्याने संताप

गिरीश निकम

मुंबई : गेल्या काही दिवसांपासून फडणवीस आणि एकनाथ शिंदेंमध्ये कुरघोडींचं राजकारण सुरु असल्याची चर्चा आहे. मात्र आज अधिवेशनात फडणवीसांसाठी एकनाथ शिंदे धावून आले. काँग्रेसच्या टीकेला शिंदेंनी जोरदार प्रत्युत्तर दिलंय. पाहूया एक रिपोर्ट.

अधिवेशनात एकनाथ शिंदे संतापलेले दिसले. काँग्रेसचे प्रदेशाध्यक्ष हर्षवर्धन सपकाळ यांनी फडणवीसांची तुलना थेट औरंगजेबाशी केली होती. त्यावरुन शिंदेंचा संताप दिसून आला. खरंतर काही दिवसांपासून शिंदे आणि फडणवीसांमध्ये कोल्ड वॉर सुरु आहे. मात्र काँग्रेसच्या टिकेवरुन अधिवेशनात एकनाथ शिंदे फडणवीसांच्या मदतीला धावून आलेत. आक्रमक होत सपकाळांवर घणाघात केला. शिंदेंचा एवढा संताप होण्यामागे सपकाळ यांनी काय विधान केलं होतं ते पाहूया.

औरंगजेबाच्या कबरीवरुन राज्यात राजकारण सुरु झालंय. शिवसेनेनं त्यावरुन आक्रमक भूमिका घेतली आहे. ही कबर महाराष्ट्राला लागलेलं कलंक आहे. हा कलंक पुसला पाहिजे, अशी भूमिका शिंदेंनी घेतली आहे. एकीकडे महायुतीत सारं काही आलबेल नाही. त्यातही शिंदे आणि फडणवीसांमध्ये कोल्ड वॉर सुरु आहे. शिंदेच्या कार्यकाळातील अनेक प्रकल्प फडणवीसांनी रद्द केलेत. याशिवाय अर्थसंकल्पात शिवसेनेच्या वाट्याला निधी कमी आला आहे. या सगळ्या पार्श्वभूमीवर शिंदे फडणवीसांसाठी धावून आले आहेत. त्यामुळे अनेकांच्या भूवया उंचावल्या आहेत. कबरीचा वाद कोणत्या वळणावर जाणार? या संवेदनशील मुद्यावरुन महायुतीतल्या तीन्ही पक्षांमध्ये एकी दिसणार का? हे पाहणं महत्वाचं आहे.