भंडारा: रात्रीच्या अंधारात शेतशिवारात नॉयलॉन जाळ्याच्या (Nylon mesh) सहाय्याने रानपाखरांची (Wild Birds) शिकार (Hunting) करणाऱ्या14 आरोपींना लाखांदूर (Lakhandur) वनविभागाच्या कर्मचाऱ्यांनी (Forest Workers) सापळा रचून अटक केली आहे. या कारवाईत 3 लाख 80 हजार रूपयांचा मुद्देमाल जप्त (Confiscated) करण्यात आला आहे. रानपाखरांची शिकार (Wild Birds) करणाऱ्या शिकाऱ्यांविरोधात वन विभागाने केलेली पहिलीच सर्वात मोठी कारवाई असल्याने तालुक्यातील अन्य शिकाऱ्यांचे धाबे दणाणले आहेत. (Forest department arrests 14 accused for hunting wild birds in Bhandara)

हे देखील पहा -

हिवाळा ऋतुच्या उत्तरार्धात काही मांसाहारी आंबट शौकीनांकडून रानपाखरांची मांसाहारासाठी मोठी मागणी दिसून येते. सदर मागणीनुसार गत काही वर्षांपासून तालुक्यातील काही शिकारी (Hunting) प्रवृत्तीच्या नागरीकंकडून नॉयलॉन जाळ्याच्या सहाय्याने रात्रीच्या अंधारात विविध रानपाखरांची शिकार केली जाते. या पाखरांमध्ये लावा, तितिर, कवळी, बटर, हरीयल, तनया यांसह अन्य रानपाखरांचा समावेश आहे. दरम्यान, घटनेच्या दिवशी रात्रीच्या सुमारास तालुक्यातील रोहणी शेतशिवारात घटनेतील 14 आरोपी सामुहिकरीत्या नॉयलॉन जाळ्याच्या सहाय्याने रानपाखरांची शिकार करीत असल्याची गोपनीय माहिती लाखांदूर वनविभागाला देण्यात आली. सदर माहितीवरुन भंडारा वनविभाग कामाला लागत रोहणी शेतशिवारात सापळा रचून घटनेतील 14 शिकाऱ्यांना मुद्देमालासह रंगेहात पकडले (Arrested) आहे.

याप्रकरणी स्थानिक धर्मापुरी टोली येथील रहिवासी आशिष मोरेश्वर शेंडे (22), खुशाल नत्थु शेंडे 40), राकेश आनंदराव शेंडे (24), ज्योतीराव सुखदेव मेश्राम (25), आशिष सुखदेव मेश्राम (23), किसन तुकाराम शेंडे (26), अरविंद सहादेव शेंडे (25), शरद देविदास शेंडे (32), दिपक शालिकराम मेश्राम (30), सेवक सिताराम शेंडे (46), अमर अशोक शेंडे (27), गणेश सहादेव शेंडे (32), प्रदुम्मन मोरेश्वर शेंडे (22) आणि अमोल शंकर मेश्राम (24) आदिंविरोधात वन कायद्याअंतर्गत गुन्हा नोंद करुन अटक केली आहे.

यावेळी आरोपीकडून कवळी पक्षी एकुण 45 नग पैकी 42 जिवंत तर 3 मृत, मोठी मैना मृत 2 नग, लहान मैना मृत 1 नग, शिकारीकरीता वापरण्यात आलेले नॉयलॉन जाळ्यासह अन्य साहित्य व 6 मोटार सायकल किंमती 3 लाख 60 हजार रुपये व 5 मोबाईल किंमती 20 हजार असा एकुण 3 लक्ष 80 हजार रुपयांचा मुद्देमाल जप्त करण्यात आला आहे. दरम्यान रानपाखरांची शिकार करणाऱ्या शिकाऱ्यांविरोधात वन विभागाने केलेली पहिलीच सर्वात मोठी कारवाई असल्याने तालुक्यातील अन्य शिकाऱ्यांचे धाबे दणाणले आहेत. पुढील तपास वन विभाग करीत आहे.

Edited By - Akshay Baisane