- तबरेज शेख

Nashik Accident News : नाशिक (Nashik) शहरात एका शाळेच्या बसच्या (school bus) धडकेत आठ वर्षाच्या चिमुकलीचा दुर्दैवी मृत्यू झाला आहे. या घटनेमुळे चिमुकलीच्या कुटुंबास माेठा धक्का बसला आहे. नाशिकरोड पोलिस घटनेचा (Nashik road police station) तपास करीत आहेत. (Breaking Marathi News)

पाेलिसांकडून मिळालेल्या माहितीनूसार अपेक्षा नवज्योत भालेराव (apeksha bhalerao) (राहणार पवारवाडी, जेलरोड, नाशिकरोड) हिला स्कूल व्हॅन घरी सोडवण्यासाठी आली होती. स्कूल व्हॅनमधून अपेक्षा खाली उतरून व्हॅनच्या पाठीमागून घरी निघाली हाेती.

त्यावेळी व्हॅन चालकाने अचानक गाडी रिव्हर्स घेतली. त्यामुळे मागच्या टायरात सापडून अपेक्षा गंभीर जखमी झाली. औषध उपचारासाठी तिला रुग्णालयात दाखल केले. तिचा उपचारादरम्यान मृत्यू झाला. या घटनेने परिसरात हळहळ व्यक्त केली जात आहे. या घटनेची नाेंद नाशिकरोड पोलीसांनी घेतली असून गुन्हा नाेंदविण्यात आला आहे.

Edited By : Siddharth Latkar