- राजेश भोस्तेकर

रायगड : रायगड (raigad) जिल्ह्यातील १०८ क्रमांकावर (108 ambulance) धावणाऱ्या रुग्णवाहिकेची (ambulance) सेवा पुन्हा एकदा ठप्प झाली आहे. नियमित वेतन, कोरोना (corona) काळातील बोनस आणि वेतनवाढ मिळावी यासाठी रुग्णवाहिका चालकांनी मागील महिन्यात निवेदन दिले होते. त्याकडे लक्ष वेधण्यासाठी रुग्णवाहिका चालक संपावर (strike) गेले आहेत. (raigad latest marathi news)

या संपात सुमारे ५५ चालक सहभागी झाले आहेत. त्यांनी कामबंद आंदोलन सुरू केले आहे. दरम्यान संप काळात गरोदर महिला आणि अपघात ग्रस्तांसाठी सेवा सुरू राहील असेही चालकांनी नमूद केले आहे.

रागड जिल्ह्यात १०८ क्रमांकच्या अधिपत्याखाली २३ रुग्णवाहिका कार्यरत आहेत. त्या बिव्हीजी कंपनीतर्फे (BVG) चालवल्या जातात. या कंपनी प्रशासनास आम्ही विविध मागण्यांचे निवेदन दिलं हाेते. परंतु त्याकडे लक्ष न दिल्याने आंदोलन करीत आहाेत असे चालकांनी नमूद केले.

Edited By : Siddharth Latkar